Putaland Group

Veikindi

2008-04-09T21:31:00.002Z

Ég er búinn að eyða síðustu 10 dögum veikur heima og það er búin að vera vægast sagt ömurleg upplifun. Er varla búinn að fara út úr húsi allan þennan tíma og um síðustu helgi var ég svo stíflaður að ég hef varla upplifað annað eins. Þegar ég fór á fætur á föstudagsmorgun þá var það fyrsta sem ég gerði að fá mér glas af eplasafa, hélt hann væri skemmdur en þá var ég bara svo stíflaður að bragð og þefskyn mitt var farið. Og það versnaði eftir því sem leið á daginn. Hrærði mér skyr í hádeginu, fattaði ekkert hvað ég ætti að setja mikinn sykur í það því ég fann ekki bragðið af því hvort sem er. Um kvöldið sagði mamma mér svo að ég ætti að fá mér viskí, það væri nú svei mér gott til að hreinsa hálsinn. En og aftur þegar ég opnaði flöskuna og lyktaði þá fann ég ekki lykt, heldur ekkert bragð þegar ég skellti því í mig, aðeins þessa óþægilegu tilfinningu sem maður fær þegar maður kyngir stórum sopa af sterku áfengi.
Ég er hinsvegar allur að koma til núna, bragðskynið snúið til baka fyrir nokkru. Það verður líka gott að geta komist út í góða veðrið sem hefur verið undanfarið, ef frá er talin þessi snjókoma sem kom í gærkvöldi. Ef lukkan bregst mér ekki þá verður hún viðvarandi næstu daga þegar maður kemst loksins úr húsi.

Google

2008-03-10T12:51:00.006Z

Ég hef mikið velt því fyrir mér undanfarin misseri hver tilgangurinn er með RSS feedi sem virðist komið á flestar síður sem uppfæra efni sitt reglulega, þá sérstaklega hvaða gagn það gerði fyrir mann. Ég komst svo að því um daginn þegar Jói sýndi mér síðu sem heitr Google Reader, þar skráir maður sig inn með því að nota g-mailið sitt, sem er btw lang lang besta frípóstþjóusta sem til er og ef þú ert ekki með einn slíkan fáðu þér þannig, og svo byrjar maður bara að setja inn síður sem maður fylgist með. Ég er t.d. með allar blog síðurnar sem eru á listanum á minni blogsíðu ásamt nokkrum fleirum. Því þarf ég ekki að eyða tíma í flakk um ótal síður til að tékka á þeim heldur sé ég þær allar á einum stað um leið og þær detta inn. Svo getur maður búið til vinalista og sent þeim síður sem manni finnast áhugaverðar með því að ýta á "share" takkann, þessi kassi hérna vinstra meginn er einmitt hluti af þessu.
Áður en ég hætti þá vil ég setja hér inn mynd af kettinum þeirra Ævars og Maríu, skrapp í heimsókn í helgina og náði þessari líka ljómandi mynd af honum.

Dark floors

2008-03-03T12:24:00.004Z

Gærkvöldið endaði svoldið öðruvísi en ég ætlaði, var að spjalla við Ævar um 10 leytið og hann spyr mig hvort ég kæmi ekki með í bíó, það átti víst að sjá Dark floors, myndina sem Lordi tók þátt í. Ég sló til og fórum við Ævar ásamt Guðna bróður hans og Sirrý í bíó. Hvað get ég sagt um þessa mynd?! Tja... eiginlega bara það að þið ættuð ekkert að vera að eyða pening í þetta, þessi mynd var svo kjánaleg að það hálfa væri nóg. Ég er algjört músarhjarta þegar kemur að hryllingsmyndum og forðast þær eins og heitan eldinn til þess að ég geti sofið almennilega á nóttunni en það er ljóst að þessi mynd mun afskaplega lítið halda fyrir mér vöku, nema þá helst vegna þess hversu mikið ég sé eftir 650 kallinnum sem fór í miðann. Lordi skrímslin eru ekki bestu skrímslin til að setja í hryllingsmynd, allavega ekki fyrir þá sem fylgjast með Eurovision, segi bara eins og Sirrý sagði á sinni síðu, maður bjóst hálft í hvoru við því að þeir myndu bresta í söng. Auk þess þá voru samtölin í þessari mynd hálfkjánaleg líka, virkuðu rosalega stíf og illa leikin, svona svipað og í slæmri íslenskri bíómynd (Blossi einhver?)

It's alive

2008-02-11T16:15:00.000Z

Þá er maður snúinn aftur í blogheima eftir langa fjarveru og ýmislegt hefur gerst frá því síðast, hversu frásagnarvert það hinsvegar er er hinsvegar önnur saga. Allavega, jólin komu og fóru ásamt áramótunum allt of hratt. Ég keypti mér nýja myndavél um miðjan janúar, Canon Eos 400d, ég elska hana, þarf hins vegar að læra betur á hana en það er önnur saga. Árangurinn af þessum fyrstu vikum má sjá á flickr síðunni minni og þetta lítur alveg ágætlega út.

Ég var að átta mig á því um daginn að í sumar verða komin 5 ár frá því ég útskrifaðist frá Menntaskólanum á Akureyri og hef ég mikið velt því fyrir mér hvert þessi 5 ár hafa farið, svo hratt hefur tíminn liðið. Finnst eins og það hafi verið í gær þegar maður kom fyrst inn á vistina sem nýnemi í MA, en síðan eru víst liðin 9 ár!!! Það er eiginlega stórfurðulegt hversu hratt tíminn líður hjá manni, man þegar ég var krakki þá fannst manni skólinn aldrei ætla að vera búinn og jóla/sumarfríið var alltaf of langt í burtu. Nú hins vegar flýgur tíminn hjá eins og hendi sé veifað.
Að öðru svona áður en maður verður þunglyndur af þessu tímatali, mér hefndist fyrir það að hlægja að þeim sem þurfti að moka gangstéttina hjá blokkinni í janúar þar sem við erum víst með sameigninna þennan mánuðinn og það hefur snjóað ótæpilega hér á suðvesturhorninu undanfarið. Skellti mér í það í gær að moka stéttina, þetta eru svona 20 metrar, og tók aldeilis skakkan pól í hæðina. Tiltölulega nýkominn úr rúminu leit ég út um gluggan og áætlaði svo að það væri nokkurra stiga frost úti og skellti mér í dúnúlpu, utanyfirbuxur, trefil, húfu og vettlinga. Kom svo niður til að moka en þar sem það var víst 5 gráður í plús þá hitnaði mér all verulega við verkið, hef ekki svitnað svona rosalega í lengri tíma, hélt líka áfram að svitna löngu eftir að ég hætti að moka.
hættur í bili.

London baby...

2007-11-20T01:34:00.000Z

Jæja, nú held ég að það sé kominn tími til að láta frá sér nokkur orð á þessari síðu, það sem ber tvímælalaust hæst frá því ég tjáði mig hér síðast er ferð mín til London um þar síðustu helgi. Þar fór ég ásamt mömmu og Sigurgeir bróður að heimsækja Dean frænda og konuna hans áður en þau flytja til USA. Þar var ýmislegt brallað, meðal annars farið upp í London Eye sem var alveg hreint mögnuð upplifun og svo var siglt á Thames ánni og fengum við flugeldasýningu í kaupbæti á meðan því stóð.
Eins og gerist oft þegar farið er til útlanda þá kaupir maður sér ýmsa hluti. Þegar ég var á flugvellinum skellti ég mér á flotta útgáfu af Die Hard with a Vengeance fyrir lítinn pening. Þegar ég ætlaði svo að fara að horfa á hana í gærkvöldi þá rak ég augun í það að nafnið á disknum var DIEHARD3_CENSORED. Þegar ég sá þetta vaknaði hjá mér illur grunur sem var staðfestur þegar ég hóf áhorf. Þarna hafði ég svo sannarlega keypt köttinn í sekknum því þetta var víst ritskoðuð útgáfa af Die Hard þar sem búið var að klippa út mikið af f-orðinu ógurlega, jafnvel dubbað yfir það, og búið að klippa út mesta blóðbaðið. Þetta er svona næstum eins og jól án hangikjöts, ég meina, hvað er Die Hard án þessara hluta.
Gott í bili
Farinn...

Rafmagnsleysi

2007-10-28T12:35:00.000Z

Ég upplifði það sterkt í gærkvöldi hversu háður maður er orðinn rafmagni og öllum þeim tækjum sem fyrir því ganga. Ég var að horfa á mynd rétt upp úr kl. 11 í gærkvöldi þegar skyndilega allt varð svart. Fyrst hélt ég að það hefði slegið út, en þegar ég leit út um gluggann þá sá að að blokkin við hliðina var líka án rafmagns ásamt restinni af hverfinu.
Það var svoldið svekkjandi að horfa út um stofugluggann og sjá restina af höfuðborgarsvæðinu lýsa eins og aldrei fyrr. Þarna var ég, í svarta myrkri og það eina sem ég hafði til að lýsa mér var gsm síminn minn og hann notaði ég til að finna vasaljósið góða sem ég keypti í OZ og reyndist vera algjör livesaver í þessu tilfelli. Þegar þeirri leit var lokið settist ég niður og hugsaði út í það hvað maður ætti að gera af sér. Þá komst ég að þeirri leiðindaniðurstöðu að meirihluti þess sem ég vildi gera krafðist rafmagns.
Það fyndna er svo að þegar rafmagnið kom á aftur þá var ég eiginlega búinn að sætta mig við nótt í myrkri, minnti mann stundum á það þegar maður var lítill og það var rafmagnslaust í sveitinni, þá tókst manni yfirleitt að finna eitthvað sér til dundurs sem krafðist ekki rafmagns.

Segi þetta gott í bili.

Bara fyndið...

2007-10-23T13:06:00.000Z

Ég veit að það er ljótt að hlæja að svona en þett myndband fékk mig svoleiðis til að springa úr hlátri. Síðasta atriðið var alveg sérstaklega fyndið.

Reaper

2007-10-17T19:39:00.000Z

Eins og flestir vita þá koma ógrynni af nýjum sjónvarpsþáttum á dagskrá stöðvanna úti. Þetta haustið var ég ekkert að pæla mikið í því hvað væri að koma fyrr en í dag þegar ég kíkti á tv.com og fann þar þátt sem mér fannst hljóma það áhugaverður að ég ákvað að ná mér í hann. Það er þessi hérna:

Þessum þáttum er leikstýrt af Kevin Smith og leikararnir eru fínir. Reyndar bara búinn að sjá tvo þætti en þeir lofa góðu. Kíkið á hann.

Myndir

2007-10-02T10:42:00.001Z

Þá kom loksins að því, ég tók mig til í vikunni og setti inn það sem upp á vantaði af myndunum mínum frá Ástralíu. Þetta voru tæplega 1300 myndir í upphafi en eftir að hafa hent út misheppnuðum myndum og þeim sem teknar voru svona sirka 12 sinnum þá standa eftir hátt í 500 myndir sem ég setti á netið, slóðin er www.picturetrail.com/gestur og myndinar eru neðst á síðunni. Hér eru nokkur sýnishorn:

Eins og ég sagði þá eru þetta bara sýnishorn, miklu meira inni á myndasíðunni.
Segi þetta gott í bili, vona að þið njótið myndanna.

P.s. Er aðeins að prófa þennan myndbandafídus sem var að koma inn á þessa síðu. Því eru hér nokkur myndbönd frá OZ.

Einhver flottasta strönd sem ég hef séð, og það var ekki sála á ferli þarna nema við.

Þetta var alveg ótrúlegt stuð, verst að sandurinn smaug inn um allt.

Þessi hákarl sem synti yfir mig þarna var frekar ógnvekjandi.

Upplifun ferðarinnar, sitja í kringum varðeld, grilla sykurpúða, hlusta á didgeridoo og sofna svo á jörðinni í kringum eldinn. Það sést ekki mikið en þið heyrið alveg hvað er í gangi.

Kings Canyon, rosalegur staður, mögnuð upplifun.

Heimkoma... + mánuður

2007-09-23T01:38:00.000Z

Já, þá er maður kominn heim, meira að segja fyrir mörgum vikum síðan. Hef bara aldrei komið mér í það að koma einhverju hingað inn. Ég er ekki enþá búinn að sortera myndirnar úr ferðinni þar sem það voru teknar 1200+ myndir. Auk þess er Iphoto með eitthvað bögg þegar ég reyni að gera myndirnar nethæfar. Annars er maður bara að dunda við þetta venjulega, vinna og svo líka skólinn, er kominn ágætlega af stað í heimildaöflun fyrir blessaða ritgerðina, aftur. En já, veturinn greinilega að hefja innreið sína, búið að rigna mikið undanfarið og það fer allverulega í skapið á manni. Óþolandi að þurfa að skella sér út í úrhellið dag eftir dag.
Allavega, þegar mér leiddist í vinnunni um síðustu helgi þá ákvað ég að eyða tímanum í að kanna töfra internetsins. Eftir mikla könnun lá leið mín á slóðir youtube þar sem ég fann eftirfarandi myndband:

Fullt af myndböndum með þessu gaur á netinu, mæli með þessu, breskur húmor að gera góða hluti hér.

Segi þetta gott í bili...

Sydney

2007-08-13T02:07:00.000Z

J'a, gott folk, nu er eg staddur i Sydney, teirri merku borg. Kom herna i gaerdag eftir taeplega triggja tima flug fra Adelaide. Flugid kostadi jafnmikid og innanlandsflug heima a Islandi. Anyway, fann gott hostel i midborginni og hef svo verid ad skoda mig um herna i borginni. Gekk ad operuhusinu i gaerkvoldi og tad var alveg otruleg upplifun ad standa tarna og ganga um svaedid. Tetta hus er alveg otrulega flott en virkadi einhvernveginn minna en madur hafdi imyndad ser. Hid sama atti hinsvegar ekki vid um brunna, hun er risastor og otrulega flott i myrkrinu.
Verd herna i dag og fram a morgundaginn adur en eg tarf ad halda aftur til Adelaide tadan sem flugid mitt fer a midvikudaginn, ja aevintyrid er a enda, sniff sniff. Singapore a midvikudagskvold, London a fimmtudaginn, og Keflavik a laugardagskvold.
Eg aetla ad segja tetta gott i bili, se ykkur flest vaentanlega fljotlega heima a Islandi, yfir og ut.

Kominn til byggda

2007-08-08T01:24:00.000Z

Nu er madur aftur kominn til byggda eftir ad hafa eytt viku ut i obyggdum fjarri ollu gsm og netsambandi. Verd eg ad segja ad tetta var alveg frabaer ferd, var a ferdinni asamt 17 odrum ferdaglodum manneskjum, tad voru 7 tjoderni i tessum hop tannig ad tetta var hressandi blanda. Fyrstu nottina gistum vid i bae tar sem bua adeins 16 manns, i tessu landi er tad tannig ad ef tad er pub a svaedinu ta kallast tad baer, og tar smakkadi eg bjor sem kallast Fargher lager sem var bara annsi godur en hann faest hvergi annarsstadar i heiminum.
Medal hluta sem madur sa i tessari ferd voru opalnamur, hellamalverk eftir frumbyggjana, kengurur, Uluru (Ayers Rock), kengurur, Kata Tjuta (the Olgas), Kings Canyon, Alice Springs og fleiri kengurur. Saum lika dingo sirka 5 minutna akstur fra tjaldstaedinu tar sem vid svafum sidustu nottina tannig ad sumum leist ekki a blikuna. Svaf nefnilega undir berum himni tvaer sidustu naeturnar og tad var rosaleg upplifun, ekki eitt einasta rafmagnsljos nalaegt og madur la tarna og horfdi a stjornurnar. Kynntist lika fullt af folki tarna og a heimbod hja pari fra Englandi sem er ad verda halfnad med ars heimsreisu sem tad skellti ser i.
Skrapp i nokkra daga til Melbourne adur en eg for i tessa ferd og hitti Aua tar, hann syndi mer hluta af borginni og gekk eg svo mikid um ad eg fekk blodrur a faeturna. Mognud borg tar a ferd og alveg otruleg upplifun, maeli hiklaust med henni ef tid eigid leid um tennan hluta heimsins.
Eg er ad nalgast tusund mynda markid a ferdum minum her og efast eg ekki um annnad en ad tad naist, deili eflaust fleiri myndum med ykkur vid taekifaeri. Aetla a skella mer til Sidney um helgina en svo tarf eg vist ad fara ad halda heim a leid eftir viku, sniff sniff, koma ser aftur heim i stressid.
Allavega, allt gott ad fretta herna meginn.
G'day mates

Allt ad gerast

2007-07-26T04:09:00.000Z

Eg a bagt med ad trua tvi ad tad se komin naestum vika sidan eg lenti herna en hun er svo sannarlega buin ad vera vidburdarik. Fostudagur og laugardagur foru ad mestu i ad na flugtreytunni ur ser en a sunnudaginn forum eg, Gudny og vinur hennar, sem eg man ekki hvad heitir tessa stundina, i vinsmokkun herna i nagreninu og verd eg ad segja ad tad var algjor snilld. Eg for i tveggja daga ferd til Kangaroo Island sem er eyja sem er herna rett hja Adelaide og tad var alveg mognud upplifun, forum ut i svarta myrkri med vasaljos og horfdum a kengururnar slast, saum lika koalabirni og tvaer stelpur ur hopnum tigersnake sem er vist naesteitradasti snakur i heimi, sem er ekkert nema hressandi.
Eg fer sennilega i nokkura daga ferd upp til Alice Springs vikuna adur en eg legg af stad heim, for a ferdaskrifstofuna adan en tarf ad ganga fra tvi a eftir. Er ad spa i ad fara til Melbourne og Sidney nuna um helgina, reyndar er tad adeins meira en ad skreppa, t.d. er vegalengdin hedan fra Adelaide til Sidney naestum su sama og hringvegurinn heima a Islandi.
Eg keypti mer Astralskt simanumer til ad nota a medan eg verd herna tannig ad mitt venjulega numer verdur ekki i notkun. Ef einhver vill senda mer sms eda hringja ta er numerid 0405282892 og landsnumerid er 61, munid bara ad eg er 9 og halfum tima a undan. Teir sem vilja fa postkort sendid mer bara linu og eg skal gera mitt besta.
Segi tetta gott i bili, tarf ad koma mer og boka tessa ferd.
meira sidar

P.s. Gudny er med adgang ad sidunni tannig ad tad gaeti eitthvad dottid inn fra henni a medan eg er herna.

p.p.s. Her eru nokkrar myndir af atburdum undanfarinna daga.

Frabaerar strendur a Kangaroo Island

og ekki ma gleyma kengurunum

ef tid horfid vel ta sjaid tid koalabjorn tarna i greinunum

Litli Klaus og Stori Klaus i Astraliu !!! wohooo

2007-07-21T10:23:00.000Z

Komidi sael og blessud lombin min :):)

Gudny heiti eg og er buin ad taka yfir sidunni hans Gessa timabundid! Thar sem ad hann er nu staddur herna i Adelaide City hja mer i heimsokn .. Og eg aetla i ollu minu veldi ad reyna ad koma honum i eins mikid rugl og eg mogulega get herna i Astraliu .. muhaaaaa !!! Eg sotti hann a flugvollinn klukkan 9 ad morgni til og for med hann heim til min tar sem ad eg bakadi braud handa honum og bjo til kaffi til tess ad hrista adeins uppi honum og vekja hann til lifsins eftir 3 daga i flugvel!!! Thad var mjog nice ad hitta hann Gessa og geta talad islensku allan daginn :):) Eg get nu ekki kvartad yfir teim luxus !! Tegar ad hann var ordin hress eftir kaffid og mettur eftir nybakada og gomsaeta braudid mitt ta forum vid til the Marion shopping center tar sem ad hann Gessi fjarfesti lika i svona glaesilegum og flottum skom, tydir ekki annad en ad vera vel skoadur ef ad hann er ad fara ad ganga fjoll og firnindi her i Astraliu!! Eftir god skokaup ta drog eg hann med mer a pobbinn thar sem ad eg neyddi hann til tess ad drekka Coopers Pale .. sem er besti bjorinn i Adelaide og rennur akaflega ljuft nidur.. hann a eflaust eftir ad drekka hann alla daga ut og inn :):) Var mjog anaegd ad geta setid i blidunni og goda vedrinu og sotrad a bjor sonnum og hreinraektudum Islendingi eins og sjalfri mer :):)
Nuna a manudag tha hefst hin mikla ferd hans Gessa .. hann aetlar ad fara til Kangaroo Island og eyda tveimur dogum thar. Svo fer hann til Alice Springs eda the outback a midvikudag og fer ad skoda leyndardoma eydurmerkurinnar .. kannski hann komi aldrei aftur og tynist bara i obyggdunum .. djok eg segi nu svona :):) Svo bidur hans Melbourne, Sidney og Brisbane :) Hann verdur nyr madur eftir Astraliu !! Kemur heim med hreim og bjor i rassvasanum :):) Jaeja thetta er nog i bili .. Mig langadi bara til tess ad segja Hallo og eg vona ad thid oll seud ad njota sumarsins heima :):)

Veridi sael og goda nott :)
Kv.
Gudny

Mættur a svædid

2007-07-20T00:20:00.000Z

Jæja, ta er madur loksins kominn a leidarenda eftir eftir hatt i triggja daga ferdalag, vidkomu i London tar sem midborgin var tekin fyrir a hardaspretti, stop i Singapore og flug med besta flugfelagi sem eg hef komist i tæri, Singapore Airlines tar sem stjanad var vid mann med heitum handklædum, vini, avaxtasafa og gosi ad vild og otrulegt en satt ta fekk eg godan flugvelamat. Eitthvad annad en draslid sem Icelandair bydur manni upp a, sa ekki hvort tad sem eg bordadi tar væri kjuklingur eda fiskur fyrr en eg smakkadi a tvi. Klukkan herna er nuna 10 a føstudagsmorgni en eg er hinsvegar enta a Londontima tannig ad tad er sma treyta ad thja mann nuna. En tad er ekkert sem drepur mann.
Segi tetta gott i bili, set kannski inn myndir fra London vid tækifæri.
Farinn...

Brottför eftir 11 daga

2007-07-05T20:06:00.000Z

'nough said

Hópþrýstingur

2007-06-03T16:09:00.001Z

Alveg er það merkilegt að þegar maður hættir að blogga í nokkra mánuði þá sprettur allt í einu upp hópur fólks sem er eitthvað að tala um skort á bloggi. Ekki voru allir í þessum hópi svo duglegir að láta vita af komu sinni áður :P. þannig að það mætti segja að maður hafi verið beittur hópþrýstingi til að blogga...
En að öðru, núna á föstudaginn gengu í gildi lög sem gera það ólöglegt að reykja í opinberum rýmum, t.d. veitinga og skemmtistöðum sem gerir það að verkum að maður getur farið út að skemmta sér án þess að fá særindi í hálsinn, sviða í augun og anga eins og reykt hangilæri þegar maður kemur heim eða farið út að borða án þess að þurfa að láta eyðileggja fyrir sér máltíðina með einhverri reykjarstyppu. Ég segi því húrra fyrir því. Ótrúlegt að heyra í fólki sem er á móti þessu, fólk að segja að fyrst að búið sé að úthýsa tóbakinu þá sé það alveg jafn rökrétt að banna áfengi og kaffi svo dæmi sé tekið. Ekki eru menn að blása eiturgufum yfir annað fólk þegar þeir fá sér kaffisopann sinn eða fá sér í glas og því blæs maður á svona rugl. Minnir mann svoldið á fíkla í afneitun sem grípa í fáránlegustu rök til að réttlæta neyslu sína.
En að öðru, Ástralíuferðin er einungis 1 og hálfan mánuð í burtu og á þessi eini og hálfi mánuður vafalaust eftir að fljúga hjá. Ég fer út 17. júlí og eyði væntanlega rúmum sólarhring hjá Dean frænda í London áður en ég held svo áfram. Það er ekki laust við að maður sé farinn að finna fyrir fiðrildum í maganum af spenningi fyrir þessari ferð enda er maður búinn að dreyma um þetta frá því maður var sirka 10 ára.
Maður varð víst svo frægur um daginn að fá mynd eftir sig birta í Fréttablaðinu.
Var það myndin sem er hér fyrir neðan og birtist hún á forsíðu vinnuvélablaðs sem var inn í blaðinu miðju.

En núna þarf maður víst að fara að snúa sér aftur að blessaðri vinnunni þannig að ég segi þetta gott í bili.

Flickr og ferðalög

2007-03-19T15:22:00.000Z

Fannst vera kominn tími til þess að rita nokkur orð á þessa síðu enda undir mikilli pressu frá vissum aðilum um að gera slíkt. Ég hef verið að dunda við að setja myndir inn á Flickr síðuna mína undanfarið og hef um leið verið að æfa mig svoldið í Photoshop. Er kominn með allrosalega stórt myndasafn inn á tölvuna mína og fannst vera kominn tími á að deila því svoldið meira með umheiminum. Stofnaði þessa síðu síðasta sumar en það er búin að vera frekar lítil virkni þar síðan þá, slóðin er neðst í tenglalistanum vinstra meginn á síðunni. Hérna eru nokkur sýnishorn af því sem ég hef sett þarna inn:

Annars er það helst að frétta að það er að komast mynd á sumarið hjá manni. Er að hugsa um að bóka flug til Ástralíu núna í vikunni, ætlunin er að fara upp úr miðjum júlí og koma til baka um miðjan ágúst og jafnvel taka nokkra daga í London á bakaleiðinni, kemur betur í ljós seinna. Eins og staðan er núna þá hefur Singapore Airlines vinningin hvað varðar verð, held það verði lendingin að fljúga með þeim. Það er ekki laust við að maður sé farinn að verða svoldið spenntur fyrir þessu ferðalagi enda er mig búið að dreyma um Ástralíuferðalag frá því ég var eitthvað um 8 ára gamall, þannig að næstu mánuðir eiga eftir að fara í mikla og erfiða bið. Hvað annað ég geri í sumar hef ég ekki hugmynd um þar sem þetta ferðalag yfirskyggir allt annað sem er á planinu hjá manni næstu mánuðina.
Eitt en, Jói lét mig hafa alveg frábæra þætti um daginn sem kallast Venture Brothers, einhverjir bestu teiknimyndaþættir sem ég hef séð í langan tíma. Mæli hiklaust með þessum þáttum fyrir þá sem hafa góðan húmor, held þeir séu reyndar ófáanlegir utan Bandaríkjanna en þá er það alltaf internetið til að ná í þá.

Segi þetta gott í bili
yfir og út

Svona fólk

2007-02-21T16:08:00.000Z

Ég er búinn að sitja hér á bókasafninu í dag og reyna að koma einhverju í verk, það svona gengur upp og ofan. Er búinn að vera á barmi þess að leggjast í kvef og leiðindi núna í bráðum tvær vikur, alltaf með einhvern pirring í hálsinum og stíflað nef en það virðist vera erfiðara en ég veit ekki hvað að losna við þetta. Þurfti aðeins að skjótast niður í miðbæ áðan svona eins og gerist og gengur og þar sem ég geng eftir Austurstræti þá vindur sér að mér maður og fer að sníkja af mér peninga og ég segi eins og er að ég sé ekki með neitt á mér. Svo þegar ég á leið þarna framhjá aftur þá kemur þessi gaur aftur upp að mér, hafði meira að segja fyrir því hlaupa yfir götuna til að ná mér, og reynir aftur að sníkja af mér peninga og hann bætir því við að hann sé að reyna að safna sér fyrir vodkapela. Jahá, það breytir öllu hugsaði ég þegar hann sagði þetta, ég vil einmitt hafa þig enþá drukknari og leiðinlegri næst þegar ég mæti þér. Gaurinn fékk hins vegar sömu svör og í fyrra skiptið. Þetta er hinsvegar ekki í fyrsta skipti sem svona sníkjudýr leita á mann, ónei, langt í frá. Varð einu sinni fyrir svo hastarlegu aðkasti svona gaura að það lá við að ég þyrfti að slá þá frá mér.
Finnst það sorglegt hvað það er orðið mikið um svona betl á Íslandi, einhverjir gaurar að sníkja af manni pening fyrir næsta sjúss eða skammti. Og það er talað um aukin jöfnuð í samfélaginu, jahérna hér.
Í fréttum er það helst að ég skellti mér á þorrablót fyrir norðan um helgina. Það var mikið gaman mikið fjör og yfir 200 manns mættu á svæðið. Fékk smá áminningu um það hversu gamall maður væri orðinn þar sem aldurstakmarkið var 16 ár sem þýðir að krakkar fæddir 1991 máttu koma. Finnst svo stutt síðan maður fór sjálfur á fyrsta þorrablótið sitt en svona líður tíminn, maður er víst að verða 25 ára á næsta ári, arrrgh. Jæja, nóg um það. Flugferðin suður á mánudaginn var hins vegar aðeins öðruvísi en maður óskaði sér, lenti í allhressilegri ókyrrð þegar verið var að lækka flugið til Reykjavíkur og við skulum orða það þannig að ég hefði ekki haft beltið spennt þá hefði ég fengið að kynnast loftinu í flugvélinni aðeins betur en ég hefði óskað.
En held ég segi þetta gott í bili,
kveðja úr loftleysinu á bókhlöðunni...

Útstáelsi.....

2007-02-12T13:54:00.000Z

Þetta er búin að vera alveg heljarinnar helgi hjá manni núna og búið að sofa allt, allt of lítið. Telma dróg mig á Röskvudjamm á fimmtudaginn eftir að hafa dregið mig á kjörstað fyrr um daginn. Það var mikið gaman, mikið stuð og alltaf gaman að fá ódýran bjór svona til tilbreytingar, eitthvað annað en það var á laugardagskvöldið, kem nánar að því seinna. Allavega þá var ég í bænum til að verða 2 og fór þá heim. Mætti svo í vinnuna daginn eftir og leið ekkert alltof vel, grunar lagerstjóran um að hafa smitað mig af einhverjum fjanda, er búinn að vera hálfkvefaður síðan þarna á föstudaginn, samt ekki svo slæmt að ég hafi þurft að leggjast í rúmið. Skellti mér í bíó á föstudagskvöldið með Jóa, fór að sjá mynd sem heitir á ensku Pan's labyrinth. Þetta er reyndar spænsk mynd og er þetta í fyrsta skiptið í langan, langan, langan tíma sem ég hef farið í bíó á mynd sem er ekki á ensku. Allavega þá er þarna stórgóð mynd á ferð, mæli klárlega með henni. Þessi sýning var án hlés og er það ágætis tilbreyting að horfa á myndina í einum rykk þó það sé vissulega gott að teygja aðeins úr sér í miðri mynd. Var að drepast í bakinu þegar ég stóð upp. Það var þó eitt sem ég tók eftir sem munaði um, seinni hlutann af myndinni var ekkert skrjáf í nammi, popppokum eða neinu slíku þannig að maður gat horft á myndina nokkurnvegin truflanalaust.

Á laugardaginn var svo árshátíð hjá Elko og tengdum fyrirtækjum á Broadway. Þar var mikið gaman, mikið stuð þó ég verði að viðurkenna að þeir hefðu mátt vera svoldið örlátari á matinn. Svo var verðið á áfenginu þarna upp úr öllu valdi, ég meina, er 750 kall fyrir bjór sem er í glasi sem rúmar varla 33 cl dós. Og kokteill kostaði f**king 1500 kall. Okkur blöskraði svo þetta verð að við kíktum 5 gaurar úr Skeifunni á bar í næsta húsi, keyptum flösku af bláum Gajol og skelltum henni í okkur á nokkrum mínútum, fórum svo aftur yfir. Ég verð að segja að þetta er alveg svívirðileg álagning á þessum stað, kannski er það þess vegna sem að reksturinn hjá þessum gaukum gengur ekkert alltof vel, það skildist mér allavega á mömmu þegar ég talaði við hana í morgun.

Svo er það ætlunin að heiðra Norðurland með komu minni á föstudaginn, er að fara á þorrablót sem verður haldið heima í sveit á laugardaginn eins og ég hef áður minnst á. Kem svo aftur suður á mánudagskvöld. Langar einhvern með á þorrablót, þarf að láta vita í síðasta lagi á miðvikudaginn.

Segi þetta gott í bili, þarf að reyna að gera eitthvað í þessum lærdómi.

Glasgow

2007-02-06T22:27:00.000Z

Eins og sjá má á síðustu færslu þá skrapp ég til Glasgow um helgina og kom til baka í dag þannig að nú er komið að því að gefa skýrslu um þessa miklu ferð.

Þetta byrjaði allt á föstudaginn þegar ég vaknaði einhverntíma á bilinu hálf 5 til 5. Afi mætti svo sprækur í Breiðholtið til að keyra mig út á flugvöll. Eftir að starfsmaður flugvallarins sýndi mér hvernig innritunarvél virkar þá var kominn tími til að koma sér í gegnum öryggiseftirlitið og þá var ég alveg lost. Ég hafði ekki komið í Leifsstöð síðan í útskriftarferðinni í MA 2002 og það er víst búið að breyta henni pínku ponsu lítið síðan þá, já, heimurinn er skelfilegur staður. Þurfti að fara tvisvar í gegnum öryggiseftirlitið þar sem því væri alveg stolið úr mér að það væri bannað að taka með sér vökva í handfarangri, fjárans rakdót. Allavega eftir að hafa komið mér í gegnum alla flugstöðina og út í vél þá var loksins lagt af stað. Eftir að hafa lesið moggann, borðað hina unaðslegu eggjaköku sem Icelandair býður upp á og smá svefn þá var lent í Glasgow. Tók taxa þangað sem Sirrý bjó. Vissi svosem ekki hverju ég átti von á í sambandi við húsmóðurina, bjóst hálfpartinn við þríhöfða skrímsli sem myndi mæta mér þarna, alla vega miðað við lýsingarnar hjá Sirrý, en þetta virtist vera ósköp almennilegt kona en eins og þeir segja, oft er flagð undir fögru skinni. Dagurinn fór svo í bæjarrölt og ég fékk að hitta Carmen, vinkonu Sirrýar. Þegar fór að líða á daginn fór ég hins vegar að finna fyrir mikilli þreytu svo við ákváðum að halda heim á leið. Þegar þangað var komið lagðist ég útaf og sofnaði á staðnum. Svo fór kvöldið bara í afslöppun og barnapössun hjá Sirrý.

Laugardagurinn var svo tekinn snemma þar sem haldið var af stað til að skoða Loch Ness. Ég, Sirrý og Carmen héldum þarna í gott 12 tíma ferðalag um Hálöndin. Það var smakkað á viskíi, siglt á Loch Ness (reyndar fór ég einn í það þar sem Sirrý tímdi ekki að fara aftur og Carmen nennti ekki), skoðað Urquhart kastala og tekið marga tugi mynda af kastalanum og vatninu, held ég hafi ekki náð mynd af Nessie en ég á eftir að skoða myndirnar betur. Svo má alltaf redda þessu með Photoshop. Svo var rúntað áleiðis til baka til Glasgow og þegar þangað var komið tjáði bílstjórinn okkur það að við hefðum ekið um 600 km um daginn. Skruppum svo stað sem heitir Walkabout og drukkum nokkra bjóra þar áður en haldið var heim á leið. Þessir Walkabout staðir eru algjör snilld, þeir eru út um allt Bretland og eru veitingastaðir á daginn, en á kvöldinn og nóttunni byrjar partýið. Það var hins vegar þegar komið var heim sem dramað byrjaði og þá fékk ég að sjá hvers konar fólk þetta var sem Sirrý hefur þurft að eiga við undanfarna mánuði. Sirrý leyfði mér að sofa í rúminu sínu og sótti svo dýnu til að sofa á á gólfinu. Þegar við komum svo aftur eftir Loch Ness ferðina var dýnan horfin, þar sem stelpurnar voru með sleepover þá þótti það vera besta lausnin að vaða inn í herbergið hjá henni og hrifsa dýnuna sem hún var með í stað þess að taka aðra dýnu sem var í rúminu hjá stelpunum sem Sirrý fékk svo eftir mikið japl og jaml og fuður. Þetta japl og jaml og fuður út af þessari dýnu var hins vegar dropinn sem fyllti mælinn og á sunnudeginum skráðum við okkur inn á Hostel niðri í miðbæ.

Sunnudagurinn fór svo að mæstu í rólegheit, röltum um Glasgow og kíktum meðal annars á Starbucks. Mánudagurinn var svo tekinn snemma og haldið var til Edinborgar. Við vorum komin þangað um klukkan 11, fórum í túrista rúnt um borgina á opnum tveggja hæða strætó. skoðuðum kastalann og svo það besta, fórum á stað sem heitir "The Edinburgh Dungeon", gott fyrir þá sem vilja láta hræða sig all duglega. Fórum svo aftur til baka til Glasgow og vorum komin þangað um klukkan 4. Um kvöldið var svo komið af kveðjustund og þurfti Sirrý að kveðja alla þá vini og kunningja sem hafði eignast þarna. Sátum að spjalla á Hostelbarnum þar til klukkan var farin að nálgast miðnætti. Svo var vaknað klukkan 7 í morgun, mættum á völlinn kl. 9 og flugið fór upp úr hálf 11. Svo var lent hérna heima rétt fyrir 1 og var afi mættur á svæðið til að sækja okkur.

Ég set svo inn einhverjar myndir úr ferðinni við tækifæri, það verða nokkur sýnishorn hér og restin verður svo á myndasíðunni minni.
Búið í bili

Skotland

2007-02-01T22:20:00.000Z

Fer til Skotlands á morgun, flugið til Glasgow fer klukkan 7:45 í fyrramálið.
Farinn að sofa
Over and out

Á nýju ári :)

2007-01-19T17:54:00.000Z

Ákvað að láta verða að því að hripa niður nokkur orð hérna svona á nýju ári, þó ekki væri nema til þess að fólk þurfi ekki að sjá þessa myndasýningu hérna að neðan í hvert skipti sem það kíkir á síðuna mína. En já, það var með sorg í hjarta sem undirritaður þurfti að kveðja norðurlandið að morgni 4. janúar til að halda í hina illræmdu borg óttans. Dvölin þar hefur verið ágæt það sem af er. Fyrsta vikan í bænum fór í vinnu þar sem verið var að undirbúa vörutalningu í Elko, bjó maður sig undir algjöran dauða og djöful þar, ekki síst vegna þess hversu margir hafa sagt við mann hversu ömurlegt fyrirbæri vörutalning væri. Verð þó að segja að þrátt fyrir að maður hefði þurft að vakna klukkan 8 síðastliðinn sunnudagsmorgun þá var þetta ekki eins slæmt og af var látið, held ég hafi samt ekki verið svona snemma á fótum á sunnudegi síðan ég vann í kísiliðjunni eða í næstum 3 ár. Allavega þá var það ágætt að fá að vera í búðinni án þess að vera með síspyrjandi kúnna ofan í sér. Get þó seint sagt að þetta hafi verið skemmtilegt en frásagnir þær sem ég hef heyrt af vörutalningum hafa greinilega verið stórlega ýktar.
Nú er það hins vegar planið hjá manni að massa eins og eitt stykki BA ritgerð saman sem á vera tilbúin í vor, umfjöllunarefnið er deilur Íslendinga og Breta þegar hinir fyrrnefndu ákváðu að færa fiskveiðilögsöguna úr þremur mílum í fjórar. Hljómar örugglega heillandi fyrir lesendur þessarar síðu en mér líst ágætlega á þetta. Hins vegar sér maður fram á annsi þétta áætlun í febrúar, þrjár af fjórum helgum strax bókaðar, fyrsta fer í Glasgow ferð, helgi númer tvö er árshátíð hjá Elko og öðrum tengdum fyrirtækjum og loks er það þorrablót fyrir norðan þá þriðju. Ákvað að skella mér þar sem ég hef ekki farið á eitt slíkt síðan ég lauk menntaskóla auk þess sem ég fékk flug norður á góðum díl.
Jæja, hættur þessu í bili,
farinn...

Litla Hryllingsbúðin, part deux

2006-12-31T00:25:00.000Z

Þá eru jólin komin og farin og áramótin á bak við hornið. Undanfarnir dagar hafa farið í át, gláp og svefn, svona að mestu. Tók mig hins vegar til fyrr í kvöld og skrapp til hennar Önnu Júlíu í nýja sveitasetrið þeirra. Þegar við vorum eitthvað að fikta með flottu myndavélina hennar Önnu þá var ákveðið að drífa mig í myndatöku og hér á eftir má sjá niðurstöðurnar.... tja, þið megið bara dæma um hvernig fór...

VARÚÐ!!!! EKKI FYRIR UNG BÖRN OG AÐRAR VIÐKVÆMAR SÁLIR.

Ég vil svo óska öllum þeim sem þorðu að renna í gegnum þennan... hmm.. óskapnað gleðilegs nýs árs.
Sjáumst hress á nýju ári

Best of the best

2006-12-20T00:02:00.000Z

Jólin nálgast og allt í einu hafa kaupóðir þegnar þessa þjóðfélags uppgötvað það að Elko er opinn lengur frameftir en venjulega. Fram að þessu hafa kvöldin þó verið frekar róleg hjá manni og hef ég verið að fletta í gegnum vörurnar sem eru í boði á síðunni hjá Elko og fann ég nokkrar vörur sem ég fæ ekki með nokkru mót séð hvernig nokkur maður hefur þörf fyrir slíkt drasl. Svona að gamni ákvað ég að taka saman lista yfir nokkra hluti sem mér finnst að hvert heimili hafi enga þörf fyrir.

1. Fótanuddtæki
Hver man ekki eftir fótanuddtækunum sem tröllriðu öllu á 9. áratugnum og fram á þann 10. en enduðu svo inn í geymslu á flestum heimilum landsins. Nú eru þessi tæki komin aftur og meira segja til í nokkrum útgáfum.

2. Djúpsteikingarpottur
Að eyða pening í svona lagað finnst mér ákaflega ósniðugt eitthvað, þessu tæki fylgir ekkert nema drullugir veggir og auka þrif í eldhúsinu. Ef þig langar í franskar kartöflur farðu þá og keyptu þær í næstu sjoppu.

3.Poppkornsvél
Til hvers að eyða peningum og plássi í svona tæki þegar þú getur keypt örbylgjupopp út í næstu búð.

4. Safapressa
Jólagjöfin í ár, draslið í geymslunni á næsta ári, enough said.

5. Eggjasuðutæki
Er svona erfitt að sjóða egg í potti, virkilega?!

6. Hrísgrjónapottur
Það sem mér finnst um þetta tæki má draga saman í eitt orð: peningasóun.

7. Pylsuhitari
Þetta tæki er tvímælalast eitthvað það heimskulegasta tæki sem ég hef nokkurntíma séð, enda hafa afskaplega fáir ákveðið að slá til og kaupa svona.

Annars er maður bara farinn að telja niður í brottför norður, flugið fer klukkan 8:15 á aðfangadagsmorgun, skítt að geta ekki farið fyrr norður en shit happens.
Jólagjafirnar flestar komnar í hús, jólakortin verða skrifuð í fyrramálið og fara í póst samdægurs, ekki seinna vænna þar sem morgundagurinn er víst síðasti dagurinn þar sem maður er öruggur um að kortin berist. Svosem mér líkt að vera alltaf á síðustu stundu.
Bara 4. dagar í jólafrí,
,gott í bili...

Allt er nú til

2006-12-13T01:20:00.000Z

Kannski er það svefngalsi í mér eða kannski er þessi mynd svo ótrúlega fyndin en allavega þá fann ég alveg ótrúlega mikla þörf til þess að deila þessari mynd með ykkur. Það er allavega orðið annsi langt síðan ég sprakk jafn mikið úr hlátri.

Meira síðar...

Jólastress

2006-12-02T15:11:00.000Z

Þá er desember kominn með allt það sem honum tilheyrir, einnig þessa miður skemmtilegu hluti eins og jólastressið. Átti erindi niður í elko áðan án þess þó að ég væri að vinna í dag og þvílík örtröð. Var að skila gölluðum prentara sem ég keypti um daginn og þetta átti að vera svona snögg "inn, skila, fá nýjan prentara, borga, út" ferð en í staðinn var ég fastur þarna í þrjú korter. Dagurinn í gær var líka algjört rugl, jólin að koma plús það að liðið er búið að fá útborgað og er alveg að missa sig þessa dagana. Í kringum 10. des. verður búðin opin til klukkan 10 á kvöldin og get ég varla sagt að ég hlakki til, samkvæmt vaktaplaninu er ég að vinna 12 til 10 frá 10. des. og fram að jólum, hljómar mjög óspennandi.

Það er ótrúlega skrítin tilfinning að þurfa ekki að fara í nein próf núna, engin skilaverkefni, engar andvökunætur, ekkert. Það liggur við að þetta sé hálfgerð tómleikatilfinning en þökk sé kaupóðum íslendingum þá má segja að prófstressið yfirfærist á vinnuna.

Held ég hafi þetta bara stutt og laggot í þetta skiptið, það verður afslöppun núna yfir helgina, í síðasta skiptið fram að jólum.

Jólin jólin alls staðar

2006-11-08T22:43:00.000Z

Ég veit að umræðuefni mitt í þetta skiptið er ekkert nýtt en það fer samt alltaf jafn mikið í taugarnar á mér, það er blessað jólaskrautið sem komið er út um allan bæ þessa dagana þegar aðventan er enþá þónokkrar vikur í burtu. Verð að segja að það er alveg ömurlegt hvað búið er að markaðsvæða jólin. Fyrir mér er þetta tími sem maður eyðir í rólegheitum með fjölskyldunni, slappar af og borðar góðan mat, ekki eitthvað sem maður þarf að eyða fjórðungi ársins í að stressa sig yfir. Finnst nóg að nota desember í það. Ástæðan fyrir því að ég minnist á þetta núna er tvíþætt. Annars vegar fór ég í kringluna í dag og er allt orðið þakið í jólaskrauti þar og þegar maður er þar inni gæti maður allt eins haldið að aðfangadagur væri í næstu viku. Svo sá ég annsi góða síðu þar sem þetta var gert að umtalsefni og þar er svartur listi yfir verslanir og fyrirtæki sem eru með jólaauglýsingar fullsnemma, jafnvel í október. Hér fyrir neðan er svo tilvísun í síðuna:

Annars er allt við þetta sama hjá manni, vinna og skóli til skiptis þó maður mætti vera duglegri við skólann. Var fengin í yfirvinnu í gærkvöldi við það að setja inn ýmsa leikjatitla inn á Elko síðuna. Sat við það til klukkan 11 í gærkvöldi inni á skrifstofu í elko í smáranum. Svo eru það jólin aftur, komin niðurstaða í það hvernig þau verða, flýg norður að morgni aðfangadags og flýg svo aftur suður að morgni 4. janúar. Það tókst að fá frí á milli jóla og nýárs, alltaf kostur þegar yfirmaðurinn er fínn.

Segi þetta gott í bili,
meira síðar

Hvaða helvítis....

2006-10-28T09:33:00.000Z

Ok, bara svona að velta því fyrir mér, hversu óhollt er þetta eiginlega?!

Er það að furða að bandaríkjamenn séu feitir?!

Norðurlandið fagra

2006-10-23T22:28:00.000Z

Jæja, þetta er búin að vera skrautleg helgi hjá manni. Sat og var að gera voðalega lítið á föstudaginn og ákvað að hringja í mömmu sem kom með þá hugmynd að ég skellti mér bara norður yfir helgina. Planið var að fara með rútu á laugardagsmorgun en það var bara engin rúta þannig að það var hoppað með næstu vél. Var svo bara í rólegheitum í Skagafirði þangað til í morgun, meðal annars var borðuð dýrindis nautasteik á sunnudagskvöld og var það hálfgerð afmælisveisla hjá manni. Skellti mér svo heim í sveit í dag og það var töluvert af snjó þar. Og þvílík snjókoma sem var þegar ég fór aftur til Akureyrar í flugið suður. Var bílstjóri á leiðinni og verð ég að segja að það er afskaplega þreytandi til lengdar að horfa á þúsundir snjókorna koma í áttina að manni á meðan maður reynir að sjá veginn framundan. Svo er það bara afmælið mitt á morgun, verð að vinna eins og venjulega á þriðjudögum, engin plön annaðkvöld, sjáum til hvað gerist.
Segi þetta gott í bili.

Kominn tími til

2006-10-09T14:00:00.000Z

Mér fannst vera kominn tími til að rita nokkur orð á þessa síðu enda er orðin rúmur mánuður síðan síðast. Það er allt við þetta sama hjá manni, er að rembast við að gera ritgerð, það gengur svona upp og ofan, er að vinna aðeins með ritgerðinni, enþá í Elko. Annars verð ég að segja að tíminn er búinn að líða allt of hratt, sumarið þaut hjá án þess að maður áttaði sig á því, það var reyndar ekkert til að hrópa húrra fyrir en það er önnur saga. Það er hinsvegar kominn október og afmælið mitt nálgast óðfluga, jólin koma eftir rúmlega tvo mánuði og verslanir fara að setja upp jólaskrautið bráðlega.

En að öðru, í gærkvöldi fékk Ævar mig til að mæta á sýningu hjá nemendaleikhúsi LHÍ í Borgarleikhúsinu en verkið kallast hvít kanína. Þetta var gjörólíkt nokkru leikriti sem ég hef á ævinni farið á og var viss upplifun. Reyndar var eina hugsunin sem komst að hjá mér fyrstu mínúturnar hvað í ósköpunum fólkið í þessum skóla væri að reykja en svo reyndi maður að hafa gaman af og þegar upp er staðið þá var þetta fínasta sýning.

Undanfarna daga hefur holskefla ruslpósts riðið yfir Gmail-ið hjá mér og eru komin nærri 200 skeyti á rúmri viku við erum að tala um eitt bréf á nærri klukkutíma fresti. Allt eru þetta mjög áhugaverð bréf frá margvíslegu fólki, t.d, Wilson Guevara, Reynaldo Gutierrez og Genaro Plummer. Titlar bréfanna gefa líka til kynna að þarna sé áhugavert efni á ferð. Nokkur dæmi:
Shemale wears latex lingerie
Crackking whoree gets her raavishedpak
Plumper granny lady
og síðast en ekki síst
Youngg nailedd and unabble to wallkfrom

Áður en lengra er haldið þá vil ég taka fram að allt sem ég sagði í síðustu málsgrein var kaldhæðni. En þessir bréfatitlar eru bara brot af því sem streymir inn hjá mér og ég hef ekki hugmynd hvaðan þetta kemur, byrjaði bara upp úr þurru og virðist ekkert vera að stöðvast. Það er alveg ótrúlegt hvað er til á netinu og hvað margt af því er manni bara til ama.

Segi þetta gott í bili
Farinn að læra

Mikið um að vera

2006-08-24T22:01:00.000Z

Ég veit ekki hvað hefur verið að gerast hjá mér undanfarna daga en undanfarin tvö kvöld hef ég verið kominn upp í rúm og farinn að sofa klukkan 11, ákvað að mæta klukkan hálf 10 í vinnuna í morgun svona upp á djókið enda var ég vaknaður um klukkan 8, í fyrsta skiptið í sumar. En annars er búið að vera þónokkuð um að vera hjá manni undanfarið, skellti mér norður um þarsíðustu helgi og fór á fiskidaginn mikla á Dalvík. Fékk bílinn lánaðann hjá Sigurgeir og brunaði norður yfir heiðar. Þarna var þvílíkur mannfjöldi samankominn og maður hámaði í sig matinn sem var í boði. Um kvöldið var svo fullt af fólki saman komið til að fylgjast með einni flottustu flugeldasýningu sem ég hef séð lengi en hún hófst með þremur fallbyssuskotum af varðskipinu Ægi.
Skrapp svo eftir vinnu á menningarnótt um síðustu helgi og var á rölti í miðbænum frameftir kvöldi, ef það var þvaga á Dalvík þá var hún enþá svakalegri þarna. Það tók okkur meira en klukkutíma að rölta frá Hlemmi niður á Lækjartorg. Svo var rölt yfir að höfninni til að horfa á en eina flugeldasýninguna og var hún rosalega flott. Tók eitthvað af myndum sem koma vonandi hingað inn við tækifæri. En eftir flugeldasýninguna var eins og allt færi til fjandans, fjölskyldufólkið hélt heim á leið og þetta snerist upp í fyllerí og vitleysu og ákvað ég að koma mér heim á leið fljótlega upp úr miðnætti.
Á þriðjudaginn fór ég í viðtal hjá kennaranum sem ég mun skrifa BA-ritgerðina hjá og hélt ég að ég væri í vondum málum af því að ég væri ekki búinn að fastákveða ritgerðarefni en hann sagði að það væri allt í lagi og að margir væru í mínum sporum. Ég ætla að leggjast yfir bækurnar um helgina og skoða hvað er í boði. Þetta á allt eftir að smella saman á næstunni.
Meira var það ekki í bili, ætli maður fari ekki bara að sofa bráðlega, allavega miðað við hvernig hlutirnir hafa farið undanfarin tvö kvöld þá ætti maður að sofna annsi fljótlega.

Verslunarmannahelgarskýrsla

2006-08-07T19:14:00.000Z

Þá er Verslunarmannahelgin að baki og má segja að hún hafi verið með frekar óhefðbundnu sniði hjá mér í þetta skiptið. Ég komst að því um fyrir rúmri viku að Elko væri lokað á sunnudeginum og því sá ég fram á það að geta skroppið úr bænum um helgina. Eftir frekar daufan laugardag í vinnunni þá fór ég út á flugvöll í von um að fara með hoppi með síðasta fluginu þá um kvöldið. Hafði verið að fylgjast með stöðunni inni á síðunni flugfélaginu og var vélin orðin full um miðjan dag á laugardaginn. En þegar ég kom út á völl komst ég að því, mér til mikillar ánægju að það voru þrjú sæti laus og ég var fyrstur á hopplista og komst að lokum með fluginu norður.

Þegar kom að því að lenda á Akureyri versnaði hins vegar í því. Flugvélin var í aðflugi og búin að setja niður hjólabúnaðinn en allt í einu voru hjólin tekin upp og vélin rifin upp. Svo tilkynnti flugstjórinn okkur að ekki væri hægt að lenda á Akureyri vegna þoku og að vélin þyrfti að snúa aftur til Reykjavíkur. Skömmu síðar var okkur svo sagt að lent yrði á Sauðárkróki og að rúta kæmi að sækja okkur. Var svo kominn til Akureyrar korter yfir miðnætti í staðinn fyrir hálf 9 eins og upphaflegar áætlanir höfðu gert ráð fyrir. Eftir þennan þvæling var ég í engu stuði til að kíkja í bæinn á Akureyri. Var svo kominn heim í sveit um hálf 2, fór upp í rúm og sofnaði eins og steinn. Á sunnudeginum skrapp ég svo á Landsmótið á Laugum og eyddi ég svo deginum þar ásamt Ölla og félögum hans. Var meðal annars skroppið í Stjórutjarni og heilsað upp á Andreu og spilaður körfubolti. Í kringum miðnættið var svo fylgst með flottri flugeldasýningu sem markaði lok landsmótsins. Svo varð ég samferða Ölla og Atla suður í nótt en lagt var í hann um hálf 2. Tókum við upp frakka (semsagt mann frá Frakklandi) á Akureyri og var brunað suður yfir heiðar. Vorum við svo komnir til Reykjavíkur klukkan hálf 9 í morgun.
Segi þetta gott í bili, er farinn að glápa á sjónvarpið.

Norðurlandið er best-í fréttum er þetta helst :)

2006-07-27T23:35:00.000Z

Tók mig til og skrapp norður í fjóra daga um síðustu helgi og það er fyrst núna sem ég hreinlega nenni að skrifa um þessa ferð. Þetta ferðalag byrjaði í raun á fimmtudaginn fyrir viku þegar ég gisti heima hjá Ölla og flugum við með fyrsta flugi norður morguninn eftir og vorum lentir á Akureyri upp úr klukkan 8 um morguninn. Stórum hluta af föstudeginum var eytt á Akureyri en loks lagði ég í hann með mömmu
heim á leið þegar farið var að nálgast kvöldmatartíma. Á laugardeginum var svo komið að aðalástæðu þessarar norðurferðar þegar ég hélt austur í Hafralæk til að hitta fyrrverandi skólasystkin mín. Þarna var fullt af fólki sem ég hef varla hitt síðan ég kláraði Hafralæk, t.d. Tóti, Guðfinna, Bjarki og Ástþór. Það var ótrúlegt hversu lítið hafði breyst í skólanum, það voru enþá þessar ljótu skreytingar á stiganum, lyktin var ekkert ósvipuð og leiktækin voru enþá í ósköp svipuðu ástandi. Samt fannst mér eins og það væri lægra til lofts í matsalnum og að skilrúmin á milli klósettanna væru lægri en þegar ég var þarna við nám. Man einmitt hversu mikið sport það var að kíkja yfir í fatahengið hjá stelpunum þegar maður var lítill, nú gekk maður framhjá og sá yfir án þess að þurfa að teygja sig.
Eftir ratleik og vídeogláp þá var haldið á Vestmannsvatn þar sem byrjað var að setja vatn í heitann pott. Sumir tóku sig til og sigldu út á vatn á meðan aðrir sötruðu ölið. Svo var farið að grilla og menn rifu í sig matinn. Þegar líða tók á kvöldið fór fólk svo að koma sér í pottinn en þegar áleið fór vatnið að verða svipað á litinn og Skjálfandafljót sökum þess hversu margir voru í pottinum og lítil sem engin endurnýjun var á vatninu í pottinum. Það var mjög gaman að hitta allt þetta lið aftur og það var spjallað, drukkið og... ööö... drukkið meira eða þar til alvarlegur bjórskortur fór að þjá suma, er undirritaður þeirra á meðal. Að lokum var Einar svo góður að skutla mér heim og var ég kominn heim í Kinnina og skriðinn í bólið um 5 leytið á sunnudagsmorgninum.
Sunnudagurinn leið tíðindalítið enda svaf ég langt fram eftir eins og gefur að skilja. Mánudagurinn var hinsvegar tekinn snemma og var vaknað klukkan 06:20 til að halda með mömmu upp að Dettifoss en hún bauð mér einn rúnt með rútunni sem hún keyrir þangað uppeftir. Það má segja að það hafi verið eins gott að ég fór í þessa ferð því annars hefði ég eytt deginum í blautri og kaldri þoku heima í sveit en veðrið í norður sýslunni var satt best að segja alveg frábært. Það var góð tilfinning að standa í úðanum af Dettifossi og þurfa ekki að hafa áhyggjur af því að verða kalt. Tók vel yfir 100 myndir í þessari ferð, misgóðar reyndar og efast ég um að þær muni nokkurn tíma koma á netið, setti samt nokkur sýnishorn í albúmið með myndunum af
laugardagspartýinu. Þeir sem hafa áhuga geta farið í myndaalbúmið mitt að skoða. Hins vegar var ég frekar latur að taka myndir þarna um kvldið og fyrir þá sem eru svakalega myndaþyrstir þá mæli ég með myndaalbúminu hjá henni Guðfinnu, síðan hennar er í tenglalistanum hér til hliðar. Annars vil ég þakka öllum sem ég hitti yfir helgina fyrir skemmtunina og vonandi verður ekki jafn langt þar til ég hitti ykkur næst.

P.s. Hér eru nokkrar myndir sem ég tók þarna um kvöldið:

... og hér er ein sem ég tók upp við Dettifoss:

Downunder

2006-07-09T14:13:00.000Z

Ég sit hérna í vinnunni en einu sinni og reyni að gera eitthvað gagn. Þegar ég er að vinna svona á sunnudögum þá er ég yfirleitt einn á lagernum þannig að það má í raun kalla mig lagerstjóra á degi sem þessum. Hins vegar er ekki neitt að gera í dag því hvaða manneskja með fullu viti fer að hanga inn í raftækjabúð í góða veðrinu sem ákvað að sýna sig hérna í Reykjavík. En að öðru, það var ættarmót hjá mér um síðustu helgi og þar komu saman 130 manns úr móðurætt minni og þá komst ég að því hversu lítið ég þekkti þetta fólk í raun og veru. Þarna voru saman komnir afkomendur langaafa og langömmu, semsagt foreldra móðurafa míns, og flestir þeir sem ég þekkti þarna voru systkini mömmu eða börn þeirra. Farið var heim að ættaróðalinu og gengið og keyrt niður að sjó. Svo var borðaður rosalega góður matur um kvöldið en eftir ræðuhöld og myndatökur fór hópurinn að þynnast allrosalega enda var mikið um barnafólk í hópnum. Þeir hörðustu fóru svo að sofa hálf 8 - 8 um morguninn og fannst einn sofandi á leikfimisdýnu inn í geymslu. Eftir 7 tíma svefn hjá undirrituðum og ferð aftur í bæinn var svo rokið í það að ganga á Esjuna með Jóa, það gekk á með rigningu til að byrja með og við sáum tindinn birtast og hverfa á víxl í skýjunum. Það fór svo þegar við komum upp á topp að þar var svartaþoka, mígandi rigning og skítakuldi þannig að útsýni var ekkert, okkur varð kalt og við villtumst á leiðinni niður. Það var ekkert alvarlegt, fórum bara aðra leið en þessa venjulegu en hún var hinsvegar mun seinfarnari. Þegar heim var komið var göngufötunum hent beint í þvottavélina enda voru þau löðrandi af svita og buxurnar brúnar af drullu. Um kvöldið lognaðist ég svo fljótt útaf vegna þreytu.

Og að enn öðru, var að tala við Maríu um daginn og talið barst að Ástralíu en hún stefnir á að vera þar á næsta ári. Mig hefur mikið langað til að fara til þangað síðan ég var krakki og María skoraði á mig að fara að safna pening fyrir ferð þangað og tókst henni ætlunarverk sitt og er ég alvarlega að spá í að skella mér. Hugsa að sú ferð eigi sér stað í júlí og/eða ágúst á næsta ári ef af verður. Þetta er allt saman á teikniborðinu þessa stundina en ég vona svo sannarlega að af því verði. Það verður eflaust meira um þetta síðar.

Er að hugsa um að segja þetta gott í bili, set kannski inn einhverjar myndir af ættarmótinu ef ég er í stuði, þær komu nú ekkert sérlega vel út þannig að það verður eitthvað þunnur bunki.

Þangað til næst...

Tilraun 1001

2006-06-28T15:15:00.000Z

Ég er búinn að vera að reyna að setja eftirfarandi færslu inn á netið í viku, þetta átti semsagt að koma á þriðjudaginn fyrir viku, en sökum þess að það er eitthvað bögg á netinu heima hjá mér þá hefur færslan aldrei komist inn. Allaveg, hérna kemur þetta loksins:

Ég tók mig til og skrapp norður um síðustu helgi, ástæður þess voru tvær, í fyrsta lagi til að fara í útskriftarveisluna hjá henni Sirrý og svo til þess að hitta hina rugludallana sem voru í 4. F. Flaug norður á föstudag og eyddi kvöldinu heima í sveit, brunaði svo inn á Akureyri á laugardegi og eyddi mestöllum deginum þar, fyrst í veislunni og svo í partýinu um kvöldið. Fór svo aftur heim í sveit á sunnudeginum og flaug suður með seinasta flugi á sunnudagskvöldið. Langaði mest að gráta þegar ég lenti í Reykjavík og sá rigninguna hellast niður með flugvélinni þar sem ég hafði flogið úr þessu líka flotta veðri fyrir norðan. Hér á eftir eru nokkrar myndir frá atburðum helgarinnar, þeir sem vilja sjá fleiri er bent á myndaalbúmið mitt.

Back to work

2006-06-11T13:56:00.000Z

Ég er búinn að eyða 4 síðustu dögum liggjandi heima með hálsbólgu, nefrennsli og slappleika og er þar af leiðandi búinn að missa fjóra daga úr vinnu. Var svo orðinn nógu hress til að skella mér í vinnu í dag, sunnudag, þar sem ég taldi mig vera orðinn nógu hressan til þess auk þess sem þetta er bara 5 tíma vinnudagur. Held ég verði að segja að þetta sé einn dauðasti vinnudagur sem ég hef upplifað, ég er einn á lagernum og verð að fylgjast með vöruafgreiðslunni, þar sem allir koma með dót í viðgerð og skila því og það sem af er hafa komið fjórir viðskiptavinir. Get ekkert unnið fram í búð þar sem ég verð að fylgjast með bjöllunni og sit því hérna og læt mér leiðast. Nú eru tveir tímar búnir af deginum og mér finnst eins og ég hafi verið hérna í miklu lengri tíma.

En að öðru, fékk loksins einkunnir í vikunni, 2x7,5, er alveg sáttur við þetta þó það væri alltaf skemmtilegra að fá hærra. Þessar tvær einkunnir eru þó nóg til að hífa meðaleinkunn mína nógu mikið upp til að ég verði löglegur í framhaldsnám þar sem lágmarks meðaleinkunn til að komast inn er víst 7,25 og vakti það mikla gleði hjá mér. Það eru hins vegar gamlar syndir frá upphafi háskólanáms míns sem eru að draga mig fullmikið niður þarna. Svo er það víst Norðurland um næstu helgi, það verður gott að komast aðeins úr bænum í nokkra daga og komast heim í sveit og svona.

Tschuss

Keilir sigraður

2006-06-03T21:33:00.000Z

Í dag tókum ég og Jói okkur til og gengum á Keili í frábæru veðri, sólskini og hita. Lagt var í hann frá Reykjavík rétt fyrir 12 og lagt var í gönguna um 1 leytið. Toppnum var svo náð klukkan hálf 3. Uppgangan var nokkuð strembin, sérstaklega undir það síðasta þar sem jarðvegurinn var ákaflega þurr og sendinn en við höfðum þetta af á endanum. Komum við svo aftur að bílnum klukkan 4 og tók fjallgangan því um þrjá tíma í heildina. Hér að neðan má sjá tvo þreytta en ánægða fjallgöngumenn á toppnum. Fleiri myndir má sjá á myndasíðunni minni www.picturetrail.com/gestur

Sumar sumar allstaðar

2006-05-31T23:41:00.000Z

Ég verð að segja að það lítur allt út fyrir það að þetta kuldakast sé búið að þessu en sinni en maður spyr að leikslokum. Allavega er snjórinn víst farinn að bráðna fyrir norðan. Annars er það helst að frétta að maður er alltaf á fullu í vinnunni þessa daganna og alltaf er einhvernveginn nóg að gera, tölvuleikir og dvd myndir seljast ósköp svipað þó það sé komið sumar. Þó eru psp og gameboy leikir farnir að seljast mun meira heldur en þeir gerðu í vetur og maður getur þá rétt giskað á hver verður besti vinur barnanna í mörgum utanlands og innanlandsferðum íslenskra fjölskyldna í sumar. Annars verð ég að segja að ég er hæstánægður með starfsandann á þessum vinnustað, það er enginn með nein leiðindi og yfirmennirnir mjög fínir.

En að öðru, það eru ekki komnar neinar einkunnir enþá en þær fara að detta inn á næstunni. Svo var það ætlunin hjá okkur Jóa að ganga á Keili á laugardaginn næsta og svo jafnvel Esjuna á sunnudaginn ef við lifum laugardaginn af en það kemur allt saman í ljós, auk þess mun ég reyna að munda myndavélina eitthvað í þessum fjallgöngum okkar og verður þeim gerð góð skil inni á myndasíðunni minni. Svo getur maður notað mánudaginn í afslöppun þar sem það er löng helgi, þökk sé hvítasunnunni. Svo er það víst ætlunin að skreppa norður í kringum 17. júní þar sem planið er að 4. F hittist, ekkert fastákveðið þar en þetta er allt í pípunum. Svo er það útskriftarveisla þann 17. hjá henni Sirrý, já hún er að fara að útskrifast þessi elska en mér finnst það vera eins og í gær þegar minn árgangur var að busa hennar árgang, jahérna það sem tíminn líður.

Kosningar komu og fóru, no comment um það, fór bara eins og það fór.

Tschuss

Sylvia night my ass

2006-05-20T02:55:00.000Z

Ég horfði á þessa Eurovisionkeppni í gær og var forvitinn að sjá hvernig henni Silvíu "okkar" myndi ganga, ætli henni verði ekki afneitað af íslensku þjóðinni eftir þennan sirkus undanfarna daga, nei heyrðu, sirkus er ekki rétta orðið, sirkus er fyndinn, þetta var það ekki. Ég verð að viðurkenna að ég er einn af þeim sem föttuðu ekki brandarann með hana Silvíu í upphafi og geri það raunar ekki enþá. Finnst þetta vera með því ófyndnasta sem ég hef séð, raunar fóru þessir þættir afskaplega í taugarnar á mér. Allavega, þegar ég heyrði að hún tæki þátt í forkeppnini þá vissi ég ekki hvað ég ætti að halda en hey, mér fannst lagið allt í lagi og myndbandið fannst mér fyndið. En ég verð að segja að þessi fjölmiðlasirkus hennar þarna úti varð ekki til að hækka hana í áliti hjá mér. Þess vegna fannst mér hún eiga það fullkomlega skilið þegar það var baulað á hana áður en hún byrjaði í gærkvöldi, raunar skammaðist ég mín fyrir að vera íslendingur í smá stund á meðan á þessu stóð. Svo til að bæta gráu ofan á svart þá fór hún að spila hlutverk ofurtapsáru manneskjunnar og hélt áfram að móðga heilu þjóðirnar, já Silvía, það fær þær til að líka betur við þig. Sá myndband af þessu eftirkeppnivæli hennar á netinu rétt áðan, þið getið séð það hérna (ýtið á download): http://www.filegone.com/js13

Held að þetta sé gott í bili, örugglega sumir sem eiga eftir að mótmæla þessum orðum mínum en mér er alveg sama, Hún Silvía Nótt má fjúka út í hafsauga fyrir mér

Tschuss

P.s. Hvað er samt málið með þessa Eurovisionkeppni, þau voru teljandi á fingrum annarar handar lögin sem ég gat hlustað á án þess að fá klígju.

Ritgerðir og lélegt sjónvarpsefni

2006-04-21T23:50:00.000Z

Nú er lokabrjálæðið skollið á hjá manni í skólanum og ég sit hér að skrifa ritgerð og verð örugglega að því framundir morgun ef ég þekki mig rétt. Hvenær ætlar maður að læra af reynslunni, í hvert einasta skipti sem maður lendir í þessu þá á það að vera síðasta skiptið en hér sit ég nú. Læt klassísku tónlistina í ipodinum og magic fleyta mér áfram. Þegar þessu er svo lokið þá eru eftir 2 verkefni og ein ritgerð og svo eitt stykki heimapróf sem bíður mín í næstu viku. Þá ætti þessu að vera lokið þennan veturinn. Annars er það helst að frétta að ég hélt heim í sveit um páskana og átti nokkra góða og rólega daga. Eitthvað minna varð nú úr lærdómnum en aftur á móti fékk maður nóg af góðum mat að borða og stútaði einu stykki Nóa páskaeggi. Það má samt segja að ég hafi næstum fengið flog þegar ég mætti aftur í vinnuna eftir páska því þá beið mín fullt bretti af dóti sem ég þurfti að koma í hillur og til að bæta gráu ofan á svart þá kom önnur sending í fyrradag. Svo er minn að skella sér á ný gleraugu, þarf að fá mér aðeins sterkari gleraugu auk þess sem þau gömlu eru farin að láta svoldið á sjá.
Akkúrat núna er ég í smá pásu frá ritgerðarskrifum og byrjaði ég hana á því að standa aðeins upp og labba fram í stofu leit aðeins á imbann. Þar sá ég tvímælalaust einn sorglegasta þátt sem ég hef nokkurntíma séð, svo sorglegan að The Bachelor og Ástarfleyið blikna í samanburði. Þessi þáttur hét Celebrities uncensored 2, já, TVÖ!!! Ekki nóg með að þessi þáttur sé ákaflega sorglegur heldur er hann með 2 í nafninu. Uppistaðan í þessum þætti eru allskonar papparazzi myndbönd sem einhverjir ákaflega sorglegir karakterar, sem hafa ekkert betra að gera en að njósna um fræga fólkið, hafa tekið. Svo talar einhver gaur undir sem hljómar eins og einhver perri sem talar undir myndband úr búningsklefanum hjá stelpunum. Ég horfði á þetta í svona 5 mínútur og ákvað að forða mér frá svona mannskemmandi sjónvarpsefni.
Jæja, nóg í bili, það er löng nótt framundan svo það er algjör óþarfi að lengja hana með blaðri,
Tschuss

Í fréttum er þetta helst...

2006-04-03T20:10:00.000Z

Eins og flestir hafa kannski tekið eftir þá var 1. apríl um helgina og þá voru einmitt liðin 2 ár síðan maður byrjaði á þessu blogg stússi, það sem tíminn líður. Og sumir héldu að það vera aprílgabb þegar ég var að byrja á þessu... hóst... María... hóst...
Annars er ósköp lítið um að vera hjá manni þessa dagana, skólinn og vinnann sjá til þess að ég á mér lítinn sem engann frítíma og þannig mun það vera fram til sirka 15. maí næstkomandi. Svo var það ætlunin að skjótast norður yfir páskahelgina en það verður ekki hægt að kalla það páskafrí þar sem mest allur tíminn fer væntanlega í að læra.
Komst að því þegar ég kom úr vinnunni áðan að Breiðholtið er langt í burtu frá öllu, í dag fór að snjóa á fullu en þegar vinnudeginum lauk þá var ekkert af því eftir niður í Skeifunni. Svo þegar ég kom upp í Breiðholt þá var allt hvítt og gangstéttarnar flughálar. Já, Breiðholtið er langt í burtu og svo sannarlega ekki lítið og lágt eins og Seltjarnarnesið.
Jæja, fleira var það ekki í bili, Tschuss.

Búið

2006-03-26T20:04:00.000Z

Jæja, þá er þetta komið á hreint

How Will I Die Quiz

You will die at the age of 90

You will die when your underwear gets to tight and cuts off your blood circulation

Find out how you will die at Quizopolis.com

Nú þarf maður bara að setjast niður og bíða eftir því að þetta gangi sinn veg, eða þannig.

Lif mitt þessa dagana...

2006-03-14T01:10:00.000Z

Það er einhvern veginn svona:
Vinna
Skóli
Læra
Sofa

Eins og ætla má af þessari upptalningu þá er líf mitt ekki það mest spennandi í heimi þessa dagana, fleira var það ekki í bili.

Tschuss

Þekkir þú þessa bíómynd?!

2006-03-08T01:11:00.000Z

Var að reyna að leysa kvikmyndagetraun á bio.is. Skítlétt getraun utan við eina helvítis mynd sem ég kannaðist ekki við og hef verið að reyna að finna út úr síðustu þrjá tímana. Kannast einhver við þennan fjanda?

Jahá...

2006-03-01T10:54:00.000Z

þar höfum við það.

You fit in with:
Agnosticism

Your ideals mostly resemble those of an Agnostic. You are fairly ambivalent towards any religion or spiritual connection. You lead a very busy life and find that religion and spirituality are unnecessary to your life.

60% scientific.
40% reason-oriented.

Take this quiz at QuizGalaxy.com

Tók þetta próf eftir að hafa séð það inni á síðunni hans Ísaks, er ekki frá því að þetta passi nokkurn veginn.

Tschuss.

Vinna, vinna, vinna

2006-02-24T17:13:00.000Z

Um daginn fór ég í viðtal hjá Hátækni en það fór svo að ég fékk ekki starf þar. Síðan hef ég verið að leita mér að störfum hér og þar og sótti meðal annars um í Elko. Fékk svo símtal frá þeim í gær og fór svo að hitta verslunarstjórann í Skeifunni fyrr í dag. Útkoman úr því er sú að ég er núna komin með vinnu í Elko í Skeifunni, til reynslu allavega, og vinn mánudaga til miðvikudaga eftir hádegi og aðra hverja helgi. Svo er alveg góðar líkur á því að ég verði þar í sumar. Ég verð í því að taka á móti, verðmerkja og raða í hillur Dvd myndum og tölvuleikjum og verð að sjá um þá deild þarna niður frá. Á að mæta klukkan 10 í fyrramálið og það verður spennandi að sjá hvernig það gengur, að vakna snemma um helgar er ekki mín sterkasta hlið.
Fleira var það ekki í bili

Tschuss

P.s. Hvernig er það, þorir enginn að taka þátt í þessu sem var í síðustu færslu?

Check it out

2006-02-20T16:57:00.000Z

http://kevan.org/johari?view=Gestur

Up, up and away...

2006-02-14T15:50:00.000Z

Ég sit hérna á bókasafninu og er búinn að gera nokkrar tilraunir til þess að líta í skólabækurnar en ekkert gengur, framtaksleysið er alveg að drepa mann hérna. Um helgina var haldið villt partý í ghettóinu þar sem var meðal annars verið að kveðja hana Guðnýju sem er að halda út í hinn stóra heim en á ný, nánar tiltekið til Ástralíu, hún er að fara í loftið þegar þessi orð eru skrifuð ef ég man það rétt sem hún sagði mér. Allavega þá var þetta villta, tryllta partý haldið á laugardaginn og má sjá myndir þaðan inn á myndasíðunni minni sem þið getið fundið í tenglalistanum hérna til hliðar. En talandi um framtaksleysið þá er ég búinn að vera eitthvað down undanfarið, við mér blasir að ég er að fara að útskrifast eftir u.þ.b. ár og ég hef ekki hugmynd um hvað ég ætla að gera að útskrift lokinni, ég er ekki einu sinni búinn að velja mér ritgerðarefni til að skrifa um í lokaritgerðinni og það er eitthvað sem ég verð að reyna að ljúka af fyrir vorið. Svo er það spurningin hvort ég verði fyrir norðan í sumar eða verði um kyrrt hérna í bænum, semsagt, held að ég þjáist af valkvíða eða einhverju álíka (er það ekki annars til?).

En nú ætla ég að gera en eina tilraunina til að snúa mér að lærdóminum

Tschuss

Mac is back

2006-02-05T20:08:00.000Z

Jæja, þá er nýtt útlit komið á koppinn en um leið og það kom þá fór færslan sem ég skrifaði hérna í gær þannig að ég verð bara að skrifa aftur núna. Það helsta í fréttum er að makkinn er loksins kominn úr viðgerð og er búinn að vera duglegur að brenna alla helgina, það var allt að springa úr downloadi hérna. Svo er kominn nýr fjölskyldumeðlimur, fékk nýja ipodin minn í hendurnar núna í vikunni og er ég búinn að setja tæplega 4000 lög inn á hann og samt eru tæp 10 gígabæt eftir af þessum 30 sem hann hefur sem er ekkert nema gott. Næsta vika á eftir að verða áhugaverð, á morgun er ég að fara í atvinnuviðtal. Datt í hug að fá mér smá vinnu með skólanum þar sem ég er bara í tímum þrjá daga vikunnar, Svona til þess að ég grotni ekki úr leiðindum þess á milli. En það kemur allt saman í ljós á morgun. Svo er ætlunin að halda bekkjarpartí hérna um næstu helgi, kemur í ljós hvernig pleisið verður útleikið.

Jæja, nóg í bili

Tschuss

Biðin mikla, dagur 16

2006-01-26T16:18:00.000Z

Mig langar til þess að grenja, mig langar til þess að henda mér í gólfið og öskra eins og lítill krakki. Eftir það langar mig til þess að fara niður í apple umboðið og kveikja í kofanum eða eitthvað álíka. Samt ekki fyrr en ég er búinn að hreinsa út úr kofanum.

Já, gott fólk, ég er ekki kominn með tölvuna mína aftur og þó að reiði mín gagnvart appleumboðinu sé mikil þá er hún ekki komin á það stig sem lýst var hér á undan, ekki enþá. Það eru komnar tvær vikur og farið að telja í þá þriðju síðan ég fór með gripinn í viðgerð sem átti að taka viku. Ég veit að maður á aldrei að taka þær tímasetningar sem svona tölvuverkstæði gefa upp trúanlegar en ég bjóst satt best að segja við meiru af hálfu appleumboðsins en það er greinilegt að þetta er allt sami grautur í sömu skál. María sagði mér að viðgerð sem hefði átt að taka viku í applebúðinni í London hafi tekið minna en þann tíma, ef það kæmi fyrir hér þá myndi það örugglega flokkast undir kraftaverk. Ég er orðinn svo fúll útaf þessu að ég er að hugsa um að hætta þessu áður en ég segi eitthvað sem ég mun sjá eftir.

Tschuss

P.s. Það er nýtt útlit í vinnslu, meira um það á næstu dögum.

Allt í plús

2006-01-18T15:28:00.000Z

Loksins loksins kom að því að maður fékk síðustu einkunina og ekki seinna vænna fyrir kennaran enda var hann kominn einn dag fram yfir þann frest sem kennarar hafa til að skila einkunum. En lokatölur urðu semsagt þessar:
Mannkynssaga II 7,5
Norður-Afríka á 20. öld 7,0
Saga neysluþjóðfélagsins: menning, stjórnmál og markaður 7,5

Efsta fagið var ég að taka aftur þar sem ég afrekaði að falla í því á sínum tíma, næsta mætti kalla ódýrar einingar, ótrúlega leiðinlegt námskeið en varla hægt að falla í því og það síðasta var svo nokkuð auðvelt

En svo er von á makkanum af sjúkrahúsi á allra næstu dögum, átti að vera til í dag miðað við það sem mér var sagt þegar ég skildi við hana á verkstæðinu en það virðist vera lítið að marka sem svona verkstæðistgaurar segja. Mér er búið að líða eins og ég sé hálffatlaður án hennar, erfitt að þurfa að vera svona mikið á pésanum.

Ég er farinn að fagna
Tschuss

Ófögnuðurinn DV

2006-01-11T18:05:00.000Z

Ég setti inn tengil fyrr í dag sem vísaði í undirskriftasöfnun þar sem vinnubrögðum DV er mótmælt en sökum þess hversu margir skrifuðu þar inn þá hrundi síðan. Ég ætla ekkert að fara út í ástæður þess að þessari söfnun var hrundið af stað, held að flestir viti hana nú þegar, en hins vegar ætla ég að hvetja ykkur öll til þess að skrifa undir svo að þessir siðblindu og tillitslausu menn sem vilja láta kalla sig blaðamenn fari að hugsa sinn gang. Best væri náttúrulega ef að blaðið yrði lagt niður svo að þessi sori hætti að flæða út í samfélagið.

Tschuss

Mæli með að þið tékkið á þessu

2006-01-11T14:08:00.000Z

"...eins og laufblað í vindi..."

2006-01-09T15:18:00.000Z

Jæja, þá er maður kominn til Reykjavíkur heilu og höldnu þó ég hafi á tímabili efast um að það tækist. Ég kvaddi sveitina í fyrrakvöld og hélt á krókinn með mömmu en ég hafði pantað flugfar þaðan sem fór svo í gærkvöldi. Gærdeginum var svo eytt í leti en svo var hoppað út á völl og upp í vél. Þær vélar sem fljúga frá króknum eru afskaplega litlar og fyrir mann eins og mig þá er afskaplega lítið nánast dvergvaxið þannig að komast um borð í vélina var fyrsta afrekið. Reyndar var næstum búið að klípp af mér hausinn, allavega hefði ég fengið slæmt höfuðhögg, þegar ég gekk næstum á stélvænginn á rellunni. Þegar mér tókst svo að troða mér inn í vélina í heilu lagi þá uppgötvaði ég að sætisnúmerið sem var á miðanum mínum var eitthvað skrítið, ég átti að sitja í sæti 6C en það voru bara til sæti 6A og 6B, sætið sem ég átti að sitja í var semsagt ekki til. En þar sem vélin var langt frá því að vera troðfull þá valdi ég mér þetta fína sæti og aldrei þessu vant þá hafði maður nóg fótapláss sem var ný upplifun fyrir mér. Svo kom að því að leggja skyldi í hann og gerði flugstjórinn tilraun til þes að loka hurðinni en hún var eitthvað til vandræða. Held að hann hafi verið svona 5 mínútur að reyna að loka henni, einhver stelpa sem sat fyrir framan hurðina spurði gaurinn í geðshræringu hvort að hún myndi nokkuð opnast á flugi en þá hálf hlóg hann að henni og sagði “nei nei, hún er alveg föst”, sjálfur var ég hálfsmeykur þar sem ég sat nánast við hliðina á hurðinni og fór fyrri helmingurinn af fluginu í það að hafa auga með henni, langaði ekkert til að fara í fallhlífarstökk án fallhlífar. Flugið gekk annars að mestu áfallalaust fyrir sig þar til líða tók að lendingu. Það var, tja hvað skal segja… óskemmtileg upplifun… orðtakið “eins og laufblað í vindi” öðlaðist alveg nýja merkingu fyrir mér. Það er alltaf gaman að fljúga yfir miðborg Reykjavíkur í roki og rigningu í flugvél sem flugstjórinn á í erfiðleikum með að halda í beinni stefnu… eða þannig.

Jæja, gott í bili,

Tschuss

Allt tekur enda um síðir...

2006-01-07T02:02:00.000Z

Jæja, þá er en eitt árið horfið í aldanna skaut og allt það og blessuð jólin víst formlega búin að þessu sinni. Verð að segja að þetta hafa verið ein undarlegustu jól sem ég hef átt, tja, bara nokkru sinni. Eyddi fyrri helmingnum liggjandi í einhverri ógeðslegri pest og seinni helmingurinn fór í það að rétta af svefnruglið sem ég lenti í á meðan ég var veikur því þá var sko sofið svona 10-12 tíma á nótttu. Tókst að komast á fætur klukkan hálf tólf í morgun þannig að það ætti nokkurn veginn að vera komið, vona það allavega. Það var haldin þrettándagleði hérna í sveitinni fyrr í kvöld og maður ákvað að skella sér, brenna, flugeldar og voða gaman. Síðan voru ræðuhöld og kaffi á eftir þar sem ungmennafélag sveitarinnar varð víst 100 ára núna um jólin og loks var endað á bingói. Í eina skiptið sem mér tókst að fá bingó þá var ferðatöskusett í vinning sem maður hefði ekki haft neitt á móti að fá en þá ákváðu tvær aðrar manneskjur að fá bingó á sama tíma og ég og tókst annarri þeirra að hafa af manni settið. Þannig að ég kom heim eftir kvöldið með tvö ilmkerti, veiiiiii....

Morgundagurinn fer í það að tína saman jólaskrautið og pakka niður því maður þarf víst að snúa aftur til borgar óttans á sunnudagskvöld, sniff sniff... og setjast aftur á skólabekk. Þetta staðfestir það bara að allt gott tekur enda um síðir.

Tschuss

Jólahvað...?

2005-12-28T00:07:00.000Z

Jæja, þá eru jólin komin og farin, allavega þessir þrír aðaldagar og maður er aldeilis búinn að troða sig út, alla vega eins og maður hefur haft lyst til því minn ákvað það bara að verða veikur þessi jólin. Frekar ömurlegt, var eitthvað skrítinn á þorláksmessu en á aðfangadagskvöld var ég svo slappur að ég skreið upp í rúm rúmlega 11. Svo hefur maður eytt dögunum upp í rúmi að glápa á dvd í tölvunni undir þessari frábæru sæng sem ég spreðaði 5000 kall í fyrir jólin, reyndar var sú kenning sett fram að ég væri ekkert veikur heldur þætti mér þessi sæng bara svo góð að ég vildi ekki skilja við hana. En held að það sé nokkuð öruggt að ég sé veikur, nema að þessar 38,1 gráður sem ég mældist með í gærkvöldi séu eðlilegur líkamshiti. Maður er nú samt allur að koma til núna, ætla alla vega rétt að vona það, nenni líka ekki að eyða áramótunum uppí rúmi. Nóg að eyða jólunum þar.

Held ég segi þetta gott í bili, þarf að fara að skríða upp í rúm til þess að sofa restina af þessari pest úr mér.

Tschuss.

Jólafrí

2005-12-23T00:18:00.000Z

Jæja, þá er þau loksins búin þessi próf, var reyndar búinn á þriðjudaginn en það er fyrst núna sem ég nenni að setja niður og tjá mig eitthvað um það. En já, ég lauk þessu á hádegi á þriðjudaginn, lenti í því í fyrsta skipti síðan ég byrjaði í háskólanum að falla á tíma þannig að svarið við seinni 20% spurningunni á prófinu varð eitthvað stuttaralegt en nú er bara að krossa fingur og vona það besta. Svo fór restin af deginu í það að kaupa jólagjafir og pakka niður. Skellti mér svo á King Kong um kvöldið og átti þar skemmtilega kvöldstund, það sem dró þessa bíóferð niður voru mikil þrengsli í bíósalnum þar sem ég var með hnén klesst við bakið á sætinu fyrir framan mig. Allavega, æddi svo norður í gærmorgun og svo er allt á fullu núna við jólaundirbúning. Er reyndar enþá að reyna að hrista af mér þá óskemmtilegu tilfinningu um að maður eigi að vera gera eitthvað þó maður þurfi þess ekki, þetta er eitthvað sem ég þjáist af eftir hverja einustu próftíð.

Er að hugsa um að segja þetta gott í bili, býð ykkur öllum gleðileg jól.

Tschuss.

Fréttablaðið í dag

2005-12-17T23:43:00.000Z

Ég neita öllum ásökunum, hættið að ofsækja mig.

Tschuss

Tvö búin, eitt eftir

2005-12-17T21:35:00.000Z

Fór í próf í morgun, stóð mig svona sæmilega held ég, ætti alveg að ná þessu, kannski, veit það ekki, sjáum til. Allavega þá var ég næstum búinn að afreka það í morgun að sofa yfir mig. ætlaði að vakna hálf 8 þannig að ég hefði góðan tíma til þess að borða og svona áður en ég tæki svo vagninn niður eftir. Þegar ég svo vaknaði loksins sá ég að klukkan á símanum sýndi 7:53 en þar sem ég var hálf ruglaður eitthvað svona nývaknaður þá ætlaði ég bara að leggjast útaf aftur og halda áfram að sofa en fattaði allt í einu hvað hafði gerst og glaðvaknaði um leið. Ég gerði heiðarlega tilraun til þess að klæða mig, taka lýsið og innbyrða eina jógúrt fernu á 5 mínútum en það mistókst all hrapalega og sá ég svo strætóinn út um stofugluggann þar sem hann keyrði í burtu. Leysti þetta svo bara með því að fara niður eftir á bílnum hans Sigurgeirs.

Skellti mér á Subway eftir prófið og fékk mér einn góðan bát. Lenti hins vegar á einhverri þeirri hægustu þjónustu sem ég orðið vitni af á Subway, það voru þrír á undan mér samt þurfti ég að bíða í rúmar 20 mínútur eftir því að fá bátinn í hendurnar. Þegar ég var svo búinn að borða matinn og þurrkaði mér með serviettunni þá fann ég að hún lyktaði af málningu, og það engin smáræðislyk, við erum að tala um að það sveif næstum því á mann.

Svo er það sorgarfrétt dagsins. Ætlaði að horfa á eins og eina mynd sem ég hafði skrifað á disk um daginn en þá var drifið með eitthvað múður og neitaði að taka við disknum. En hins vegar neitaði það að skila honum líka og sat hann fastur í raufinni án þess að ég næði í hann. Skellti mér því í Apple búðina þar sem mér var tjáð að drifið gæti verið skemmt þar sem það styður ekki + diska en ég hef einmitt verið að nota svoleiðis diska undanfarið án þess að vita af þessu. Þannig að ég mun byrja nýja árið á því að fara með tölvuna í viðgerð, frábært!!!

Svo er það próf á þriðjudagsmorgun, pakka niður og kaupa jólagjafir á þriðjudag og svo norður á miðvikudag. Já og svo koma jólin á laugardaginn, þetta er allt að koma.

Tschuss

Hefði maður gert það...?

2005-12-15T01:05:00.000Z

Rakst á þessa í einhverju jóladagatali sem ég náði í um daginn fyrir þetta widget dæmi sem er í tölvunni hjá mér. Greinilegt að sá sem bjó þetta jóladagatal til hefur ekki verið neitt yfir sig hrifinn af microsoft og öllu sem því fylgir.En ég held að maður myndi hugsa sig lengi um áður en maður hefði fjárfest í þessu.

Tschuss

Tilgangsleysi

2005-12-13T10:49:00.000Z

Tilgangsleysið hefur náð nýjum hæðum, sá þetta á síðunni hans Ísaks og ákvað að prófa. Það er ekki eins og maður hafi nóg að gera í próflestri.

The Completely Pointless Personality Quiz

Tschuss

Put a pillow in my bed

2005-12-09T02:53:00.000Z

Ahhh, sit hérna í sófanum heima og pikka þessi orð áður en ég hendi mér í rúmið. Var að klára þetta fjandans heimapróf, eða svo gott sem. Þarf aðeins að fínpússa það en annars held ég að það sé hægt að segja að þetta sé tilbúið til afhendingar. Verð að segja að þetta var töluvert erfiðara en ég hélt en þetta tókst allt saman fyrir rest.

Jæja, off to bed...

Tschuss

Heimapróf

2005-12-06T19:31:00.000Z

Jæja, þá eru prófin skollin á með öllu því sem þeim fylgir. Fyrsta prófið er reyndar heimapróf og hófst það í morgun og verð ég svo í stresskasti við að klára það fram á föstudag. Ætti náttúrulega að vera að leysa það núna en nei... ekki hann ég, þess í stað tók ég einn blogrúnt og fór svo sjálfur að blogga. En ég fékk nett taugaáfall þegar ég opnaði þetta próf síðdegis í dag, þetta virðist vera aðeins flóknara en ég gerði ráð fyrir. Var víst aðeins of öruggur með mig, hélt að þetta yrði ekkert mál en svo kom kennarinn allillilega aftan að manni og gerði próf þar sem eru þrjár ritgerðarspurningar og maður þarf að svara tveimur þeirra.

Það koma þeir tímar þegar mann langar mest til þess að beila á þessu öllu og fara bara heim í sveit og liggja þar í leti fram yfir áramót, en það borgar sig víst ekkert, maður þarf þá bara að taka þetta aftur seinna. En talandi um námið, einn kennarinn sem ég var hjá á þessari önn var að kenna okkur kúrs sem hét "saga neysluþjóðfélagsins" og taldi hann það vera við hæfi að enda námskeiðið á því að hafa smá matarveislu sem haldin var á miðvikudaginn síðasta. Þessi veisla átti eftir að verða meira en "smá" matarveisla, smá klúður í undirbúningi var til þess að hver og einn kom með sinn rétt og þar af leiðandi var þarna gríðarlegt magn matar og hellingur sem varð afgangs. Ég mætti á svæðið með lasagna og afgangurinnn sem ég tók með heim dugði mér í næstum tvo daga.

Eins og staðan er með heimaprófið núna þá er ég kominn með 44 orð af 800-1000 í fyrri spurningunni, þetta er allt að koma... eða þannig. Ritgerðin sem ég var að klára í síðustu viku rann ljúflega í hólfið hjá kennaranum klukkan hálf 5 á föstudaginn en síðasti séns var til klukkan 6 þannig að maður náði að klára hana tímanlega, það var ný og skemmtileg upplifun.

Tschuss

P.s. Gleymdi næstum því Family Guy:
Peter: Women are not People, they
are devices built by our Lord Jesus
Christ for our entertainment.

Góðar fréttir og ferðalag

2005-11-29T14:51:00.000Z

Mætti í tíma áðan og fékk þær bestu fréttir sem ég hef fengið í langan, langan tíma sem urðu til þess að ég, stressaðri en andskotinn, gat slakað örlítið á. Það var semsagt þannig að ég er að skrifa ritgerð og eins og staðan er akkúrat núna þá er ég búinn með svona 500 orð af 3000 og hélt ég að síðasti skilafrestur væri í dag, allavega stóð það á námsáætluninni, þannig að ég sá fram á andvökunótt. Allavega, þá fékk ég að vita það í tímanum að skilafresturinn væri á föstudaginn en það varð einhver ruglingur hjá kennaranum með þetta. Þannig að nú hef ég næstum því 3 daga í viðbót til að klára ritgerðina.

Annars er það helst í fréttum að ég tók mig til og skrapp norður um helgina, fór þó ekki lengra en á Krókinn en mamma og Stefán höfðu verið í bænum í síðustu viku og voru að búa sig til brottfarar á föstudaginn þegar mamma stakk upp á því að ég kæmi bara með þar sem þau væru aftur á leiðinni suður á sunnudeginum. Þetta kom sér líka vel fyrir þau þar sem ég var fenginn til þess að setja upp nýju tölvuna sem þau voru að kaupa, fór með þeim í tölvulistann í síðustu viku og var þar sett saman tölva. Veitti ekkert af fyrir þau að fá nýja tölvu þar sem sú gamla var árgerð 1998 með fyrstu útgáfu af windows 98, hafði aldrei verið formötuð og réði varla við nokkur af þeim vírusvarnarforritum sem eru í gangi í dag og því var ekkert sérstaklega sniðugt að hafa hana á þessu háhraðaneti sem þau eru með þarna.
Jæja, ætla að reyna að koma þessari ritgerð frá mér,

Tschuss

P.s. Í Mac Os X Tiger er svoldið sem heitir widgets, þar er hægt að setja alls konar misgáfuleg forrit. Var að skoða þetta um helgina og fann eitt sem heitir "Family guy random quote generator" sem hægt er að hafa mjög gaman af ef manni leiðist. Datt í hug að skella einum hérna inn og það er möguleiki á að ég setji meira inn í framtíðinni.
Family guy tilvitnun dagsins:
Brian: There's a woodpecker on your head.
Keanu Reeves: Yeah, he comes and goes.

Ó, þið skelfilegu próf, af hverju komið þið alltaf aftur...?

2005-11-24T10:37:00.000Z

SIt hérna í Árnagarði og eyði tímanum á netinu þangað til að næsti tími byrjar og sötra eitt versta kaffi sem ég hef á ævi minni smakkað. Ástæðan fyrir því að ég læt mig hafa það að drekka þetta sull er sú að ég neyðist til þess ef ég á að halda mér vakandi. Finnst tíminn hafa verið ótrúlega fljótur að líða, eiginlega allt of fljótur finnst mér. Er ekki að fara að "meika það brjálæði sem er framundan í ritgerðafrágangi og prófalærdómi og mun taka næstu 3-4 vikur lífs míns. Fór samt að hugsa um það að þetta gæti vel verið í síðasta skiptið sem ég tek jólapróf í mjög langan tíma, já eða bara síðasta skiptið punktur. Fer allavega ekki í próf næsta vetur þar sem ég verð þá að gera ritgerðina og svo er maður bara búinn með þetta eftir rúmt ár, kominn með BA-próf og hef ekki hugmynd um hvað ég á að gera næst. Er svoldið að upplifa þessa valkreppu núna sem margir lentu í þegar þeir kláruðu menntaskóla. En annars er ég farinn að deyja úr tilhlökkun yfir því að komast í jólafrí þar sem maður getur slappað af í 2 til 3 vikur og sleppt því að gera nokkurn skapaðan hlut annan en að glápa á sjónvarp og borða góðan mat. Ohh, það er allt of langt þangað til. Eins og mér er nú illa við það að fólk sé byrjað að skreyta, auglýsa jólavörur og spila jólalög fyrir 1. des þá er samt ekki laust við að það maður sé kominn í smá jólaskap. En aftur á móti verður maður að reyna að bæla það niður þangað til 20. des til þess að geta einbeitt sér að lærdóminum.
Jæja, þá fer tíminn bráðum að byrja þannig að ég læt þetta duga í bili,

Tschuss

Nostalgía

2005-11-14T16:10:00.000Z

Ég álpaðist inn á muninssíðuna og var eitthvað að skoða þar þegar ég rakst á eftirfarandi:

Matseðill vikuna 14.-20. nóv. 2005

Mánudagur:
Soðin ýsa og saltfiskur að spænskum hætti með rúgbrauði og salati. Kakósúpa með tvíbökum
Lengimatur

Þriðjudagur:
Kjötbollur með kryddjurtum rjómalauksósu og kartöflumús. Hrísgrjónagrautur með slátri
Steikt ýsa í raspi með rauðum íslenskum kartöflum og salati

Miðvikudagur:
Kjúklingaborgari í barbeque með salati og frönskum kartöflum. Ávextir
Lambakjöt í karrísósu með hrísgrjónum og brauði

Fimmtudagur:
Steiktur lax með ristuðum hnetum í hunangssmjöri ásamt súrum gúrkum og salati. Blómkálssúpa með brauðbollum
Pizza með skinku og piparpylsu

Föstudagur:
Nautafile með bearnaisesósu og bakaðri kartöflu. Epla- og súkkulaðibitakaka með rjóma

Laugardagur:
Kjúklingabaka með kryddhrísgrjónum og salati

Sunnudagur:
Grísahryggur (purusteik) með pönnusteiktum kartöflum og grænmetisblöndu

Það er alltaf gaman að sjá að sumir hlutir breytast aldrei, sýnist þetta vera nákvæmlega eins og maður skyldi við þetta á sínum tíma, nema hvað að lengimaturinn er kominn á mánudagskvöld. Það er magnað að sjá hvað þessi maður er duglegur að gefa þessum réttum sínum nafn, bara ef hann hefði lagt sömu natni í eldamennskuna þá væru minningar manns af bragðgæðum matarins í þessu mötuneyti kannski aðeins jákvæðari.

Tschuss

Sigur i sjonmali

2005-11-09T23:48:00.000Z

Það lítur út fyrir það að ég sé að hafa sigur í viðureign minni við fjandans pestina. Held ég hafi átt hápunktinn í þessum ægilega hósta sem ég fékk þegar ég fór í rúmið í gærkvöldi. Ætlaði aldrei að geta sofnað og leið svo hálf ömurlega í dag og var kominn með hausverk og eitthvað slappur þegar ég drattaðist loks á lappir um 5 leytið. Já 5 leytið, 17:00 takk fyrir, ákvað að slappa rækilega af í dag en reyndar svaf ég ekki allan þennan tíma, lá bara og leið ömurlega. Komst reyndar að því þegar ég vaknaði að höfuðverkurinn var væntanlega tilkominn vegna vökvaskorts þannig að ég þambaði líter af vatni og fór verkurinn þá fljótlega.

Þegar ég fór svo að ná í póstinn þá sá ég þar brúnt bóluumslag merkt mér og það stóð rás 2 á horninu á því. Fyrst velti ég því fyrir mér hvað þetta gæti verið og var alveg úti á þekju. Svo rann það upp fyrir mér, ég sendi póst á rás 2 á föstudaginn vegna plötu vikunnar, gerði það í algjörri rælni án þess að vita hvaða plata það var og ég vann. Ég vissi ekkert um þennan disk sem kom upp úr umslaginu og þegar ég sá hann var ég ekkert bjartsýnn, þetta var diskur með KT Tunstall sem heitir Eye To The Telescope. Bjóst við því að þetta væri einhver píkupopp diskur sem einhver vinkona mín ætti eftir að fá að gjöf en þegar ég fór að hlusta á hann þá var hann bara nokkuð góður, ekkert það besta sem ég hef heyrt en samt góður. Þegar ég stakk honum í tölvuna þá hélt ég að drifið væri að bryðja diskinn, svo mikil voru lætinn en þá var bara verið að brjóta upp afritunar"vörnina". Það var þá vörn, það eina sem hún gerir er að hæga á hraðanum þegar maður importar diskana.

Jæja, held það sé best að fara að halla sér,
Putaland kveður...

Pestin

2005-11-08T15:20:00.000Z

Sú vanlíðan sem ég minntist á í síðustu færslu þróaðist yfir í eina af lífseigustu pestum sem ég hef fengið. Fór að finna fyrir óþægindum á mánudaginn í síðustu viku og í dag er ég enþá hóstandi og með nefrennsli. Fór meira segja á heilsugæsluna í gær til að láta líta á, var hætt að lítast á blikun og það þegar mamma minntist á bronkítis þá hætti mér að lítast á blikuna. Þurfti að rífa mig upp klukkan 7 í morgun til að flytja fyrirlestur og var líðanin þegar ég vaknaði hreint út sagt skelfileg. Tókst hins vegar að halda þetta út og er enþá hérna í skólanum. Fékk reyndar skelfilegt hóstakast 10 mínútum eftir að ég flutti fyrirlesturinnn í morgun og þurfti að rjúka fram til að trufla ekki aðra fyrirlesara, frekar vandræðalegt.

En varðandi þetta kitl dæmi, er að hugsa um að gefa skít í þetta. Nenni þessu hreinlega ekki, þú verður bara að fyrirgefa Sirrý.

Jæja, er að hugsa um að koma mér eitthvað áleiðis heim og hósta þessu kvefi úr mér,
yfir og út

ADSL epilouge

2005-11-01T15:56:00.000Z

Já, adsl-ið er búið að nýtast manni vel þessa fyrstu viku, engin teljandi vandræði með það og ég ætla rétt að vona að það verði ekki fleiri ferðir í Símann í langan, langan, LANGAN tíma. Alveg búinn að fá nóg af þeirri búllu í bili. En nýjabrumið er svona smátt og smátt að fara af adsl-inu, það er farið að vera ósköp venjulegur hlutur að sitja í stofusófanum og vera á netinu án þess að einhverjir kaplar séu að þvælast fyrir. En ég verð að segja að eftir allt þetta vesen sem var við að koma þessu á koppinn þá var ánægjan við að fá þetta loksins mun meiri. Enda er líka mun betra að vera að sækja gögn á hraðanum 100-150 kb á sekúndu heldur en 5-10 kb á sekúndu eins og maður var með áður auk þess sem maður er tengdur 24/7. Það er þó alls ekki þannig að ég hangi á netinu allan sólarhringinn, fjarri því.

Afrekaði það að ná mér í hálsbólgu, er hálfslappur núna og aumur í hálsinum en samt ekki með hita. Húfan og trefillinn sem ég keypti í síðustu viku komu í góðar þarfir, hlýt að hafa fundið þetta á mér eða eitthvað. Lét mig samt hafa það að mæta í tíma núna eftir hádegið en það kom alls ekki til greina að vakna í tíma klukkan 7 í morgun og leyfði ég mér þann munað að sofa út í morgun. Ætla bara rétt að vona að þetta versni ekkert úr þessu, hef hvorki áhuga né tíma til þess að leggjast í einhverja pest akkúrat núna.

gott í bili...

Yeah, you should.....

2005-10-26T22:46:00.000Z

The end... ???

2005-10-25T23:44:00.000Z

Hér er ótrúleg hamingja í gangi, í morgun hringdi síminn minn (reyndar í miðjum tíma og þar sem ég hafði gleymt að setja símann á silent þá fengu allir í stofunni að heyra að verið væri að hringja í mig) og í honum var símvirkinn sem átti að tengja símalínuna svo síminn og netið kæmust í gang aftur. Hann sagðist geta komið innan 10 mínútna og lét ég mömmu svo vita að hann væri á leiðinni. Svo þegar ég kom heim í kvöld var það mitt fyrsta verk að opna tölvuna og fara á netið og hringdi ég í Maríu á skype til að testa kerfið. Svo var það eitthvað vesen með proxy stillingar en núna er þetta allt saman komið í lag. Er búinn að tengja tölvurnar allar þrjár saman og því getur maður flutt gögn á milli og prentað þráðlaust og allar græjur. Sit núna fyrir framan sjónvarpið og skrifa þessi orð. Já, það hlaut að koma að því að það kæmu góðar fréttir í þessum málum.
Ég er að hugsa um að segja þetta gott í bili, er mjög feginn að þessu sé lokið. María, þú verður bara að finna þér aðra síðu til að hlæja að.

Lokaþáttur

2005-10-24T11:13:00.000Z

Jæja, þá er loksins komið að því, lokaþátturinn í þessu ADSL veseni verður á morgun. Var að fá símtal frá símanum og var mér tjáð að það kæmi maður á morgun til að ganga frá þessu. Reyndar hefði hann átt að koma á föstudaginn í síðasta lagi ef allt hefði átt að vera eðlilegt en þegar ég hringdi í gær til að athuga hverju sætti þá kom í ljós að beiðnin hafði verið afturkölluð á einhvern dularfullan hátt, greinilegt að þetta fyrirtæki er algjörlega í ruglinu. En nóg um símann, enda hef ég varla talað um nokkuð annað í langan tíma. Það má segja að þarna sé lokið ákveðnum kafla í lífi mínu, löngum og leiðinlegum.

Helgin leið að mestu rólega hjá, var boðið í mat á laugardaginn til Stínu frænku og fékk þar alveg frábært nautakjöt og borðuðu allir á sig gat. Granastaðafjölskyldan var líka þarna í mat og því má segja að þarna hafi verið haldið mini ættarmót.

...

Viðbót kl. 15:16
Skrapp aftur upp í Breiðholt þar sem mamma var í bænum og við fórum svo aftur niður í bæ með strætó og ætlaði hún að fara á þessa samkomu sem er núna í gangi í miðbænum útaf 30 ára afmæli kvennafrídagsins og ég verð að segja að þetta var aldeilis strætóferð sem maður gleymir aldrei. Vagninn var alveg troðinn og var það með herkjum að við komumst inn í hann, þurfti að standa við hliðina á bílstjóranum. Svo kom svoldið fyrir sem ég hélt að ég myndi aldrei upplifa, bílstjórinn þurfti að vísa fólki frá því vagninn var svo fullur. Svo var bara brunað beint niður á Miklubraut þar sem enginn ætlaði í Kópavoginn en þar var umferðinn svo mikil að vagninn komst varla áfram, við getum sko gleymt síðdegisumferð á föstudegi svo mikið var þetta, slagaði upp í lýðveldishátíð á Þingvöllum '94. Hendi svo inn mynd sem ég tók í vagninum áðan:

P.s. ekki gleyma hvaða dagur er í dag.... ;)

Að lokum....

2005-10-17T14:59:00.000Z

Lokaþátturinn í sápuóperunni "ég ætla víst að fá mér ADSL" er á dagskrá núna í vikunni, nánari upplýsingar um útsendingartíma koma á næstunni. Já, það fer loksins að koma að því, ADSL tengingin fer að komast í gagnið á allra næstu dögum. Það endaði með því að ég pantaði mann frá símanum til að redda þessu, nennti ekki lengur að bíða eftir einhverjum gaur sem sagðist koma á morgun á mánudaginn síðasta. Til þess að panta gaurinn hringdi ég í þjónustulínuna hjá símanum og til að spara mér gífurlegan tíma í bið eftir svo litlum hlut þá hringdi ég einfaldlega klukkan hálf 1 að nóttu og mér var tjáð að ég væri númer 1 í röðinni, hversu súrrealískt sem það er. Var allt frá því að vera númer 25-32 þegar ég var að hringja í þá um daginn. Semsagt, ef þið viljið fá snögga afgreiðslu hjá þessu fyrirtæki þá borgar sig að hringja í þjónustusímann eftir miðnætti og helst á virkum degi.

Mig langar mjög mikið að eiga eins og eitt gott samtal við manneskjuna sem var í því að kaupa stóla á bókhlöðuna. Lenti í því þegar ég kom hérna áðan að allt var fullt og ég neyddist til að setjast á þessum ömurlegu stólum sem eru fastir í einni stöðu og eru allt of háir fyrir undirritaðan. Það að ætla fyrir því að til væri fólk sem þyrfti mögulega, kannski, eitthvað að breyta stólunum til að geta setið við borðið án þess að fá í bakið eða hljóta af önnur óþægindi var greinilega allt of erfitt.

Best að fara að snúa sér að því sem maður ætlaði sér að gera þegar maður kom hingað, þ.e.a.s. að lesa fyrir próf sem ég fer í á föstudaginn næsta.
Yfir og út......

Doom on you, mister Sími

2005-10-10T19:37:00.000Z

Í morgun fór ég og talaði við töfralækni um það að leggja bölvun á Símann með það að markmiði að hrekja hann í gjaldþrot. Nokkur dauð hæsni fyrir utan útibúin og fleira í þeim dúr... En svona að öllu gammni slepptu þá er ég orðinn virkilega fúll út í þetta fyrirtæki núna, það er allt til reiðu fyrir adsl tenginguna, routerinn, isdn boxið og splitterinn fyrir símasnúruna. Það eina sem vantar er að setja kló framan á snúruna úr veggnum til þess að stinga draslinu í samband. Er að reyna að redda manni í þetta í gegnum hina og þessa en það gengur eitthvað treglega, vil helst ekki tala við þá hjá símanum útaf þessu og ástæðan er einföld. Ég get lifað með því að bíða í viku eftir að maðurinn komi en hinsvegar finnst mér það annsi gróft að maður þurfi að blæða 6500 krónum í það eitt að fá manninn á svæðið til þess eins að setja pínulítið plaststykki framan á nokkra enþá minni víra. Held það sé best fyrir þau ykkar sem hittið mig í persónu að minnast ekki á þetta við mig þar sem ég væri vís til þess að bíta ykkur af bræði.

En annars er ég bara rólegur...

...sit hérna á hlöðunni og hlusta á led Zeppelin, hef ekkert betra að gera heldur en að hlusta á tónlist og blogga. Nei annars, það er alveg hellingur sem ég gæti verið að gera en ég einfaldlega nenni því ekki. Er hins vegar að hugsa um að fara að koma mér í það á næstunni að byrja á einhverju af þessum ritgerðum og verkefnum sem eru á dagskránni, nenni ekki að hafa þetta hangandi yfir mér viku fyrir próf, reyndar eru bara tvær ritgerðir og einn fyrirlestur á dagskránni þannig að þetta ætti ekki að vera neitt mál.

Það er ömurlegt að þurfa að vakna klukkan 7 á morgnana, ég þarf að vakna klukkan 7 þrisvar í viku og það fer ekkert alltof vel með mig. Þoli ekki hvað ég þarf að sofa mikið til þess að vera úthvíldur. 8-9 tíma svefn er ekki nóg fyrir mig eins og venjulegt fólk, allavega vakna ég mjög þreyttur eftir þann tíma og tekst að snúsa símann svona tvisvar, þrisvar þannig að ég þarf að fara í sturtu, klæða mig, borða morgunmat og hlaupa svo út á stoppistöð á svona 10-15 mínútum. Það gerir mig mjög ánægðan með það að vera ekki á eiginn bíl, veit ekki hversu oft ég væri búinn að lenda í aftanákeyrslu ef ég þyrfti að keyra í skólann því það tekur mig svona hálftíma að vakna almennilega.

Jæja, held að þetta sé gott í bili, yfir og út

P.s. veit einhver um númer hjá góðum töfralækni, fann engann í símaskránni. Á ég kannski að leita í gulu síðunum?

ADSL, sagan endalausa

2005-10-06T10:24:00.000Z

Ég hef lent í þeirri óskemmtilegu reynslu undanfarna daga að koma mér upp ADSL með aðstoð símans eins og kom fram í síðustu færslu. Ég fór í fyrradag að sækja routerinn en manneskjan sem lét mig hafa hann afrekaði það að láta mig hafa vitlausan router, reyndar hét sá sem ég átti að fá alveg það sama og hinn nema að týpunúmerið endaði á i. Allavega, þetta kostaði mig aukaferð niður í símaverslun í gær og þá fékk ég rétta græju í hendurnar. Þegar ég kom heim setti ég græjuna upp og setti hana í samband og setti hana upp og fór að prófa þetta, náði sambandi um alla íbúð þó það hafi rétt slefað upp í einn punkt í stofunni. Kannski ekki skrítið þar sem merkið þarf að fara í gegnum tvo til þrjá steinveggi. Hinsvegar fannst mér snúrurnar eitthvað einkennilega tengdar hjá mér þannig að ég hringdi í þjónustusíma Símans og var númer 10 í röðinni en þurfti samt að bíða í kortér, það mætti halda að það væru svona þrjár manneskjur á vakt þarna.

Allavega þá kom í ljós að ég þurfti að skipta um eitthvað box sem var á símalínunni vegna isdn línunnar vegna þess hversu gamalt það var orðið. Þetta kostaði mig aðra ferð niður í símaverslun, þar settist ég inn, tók númer og var númer 204 og það var verið að afgreiða 192. Sat þarna í hálftíma og svo var röðin alveg að koma að mér en nei nei, þá fór rafmagnið. Svo var mér tjáð að ég þyrfti að koma aftur á morgun, þ.e. í dag til þess að ná í þetta box. Það var mjög skrýtið að vera í Kringlunni í svona rafmagnsleysi, ætlaði að fara á stjörnutorg til að fá mér eitthvað að borða en þá voru stóru stáltjöldinn farin niður og búið að aðskilja stjörnutorgið frá restinni af kringlunni. En ég er að vonast til þess að geta komið þessu adsl-i í gagnið í dag, nenni hreinlega ekki að fara aftur í símann næstu vikurnar, eftir heimsókina á eftir hef ég farið þangað fimm sinnum á fjórum dögum.
Meira var það ekki í bili
Yfir og út

P.s. Er það ég eða er hraðafgreiðsluborðið í símanum eitt það gagnlausasta fyrirbæri sem til er?! Í gær var röðin þar næstum því jafnlöng og hjá þjónustufulltrúunum og afgreiðslan alveg jafn hæg.

ADSL væntanlegt eftir 5 f**king daga (AÐ MINNSTA KOSTI)

2005-10-03T15:00:00.000Z

Ég dreif mig í það þegar ég vaknaði í morgun að sækja um þessa blessuðu adsl-tengingu, sótti um þjónustuna hjá RHI og fór svo niður í Símann með það í huga að kaupa router fyrir netið svo maður geti verið þráðlaus þarna uppfrá. Þá kom það í ljós að þar sem Síminn leigir línuna þá þarf ég að gera einhvern 12 mánaða samning við þá en fæ hinsvegar routerinn gjaldfrjálst með sem er ekkert nema gott, sparaði mér 10.000 kall þar. Hins vegar virðist hröð þjónusta ekki vera mikið forgangsatriði hjá þessu blessaða fyrirtæki, þegar kellingin sagði mér að það myndu líða 5-10 dagar þar til tengingin yrði virk þá langaði mig að stökkva yfir borðið og slá hana utanundir, sá þetta svona fyrir mér eins og gaurinn í Scrubs gerir alltaf, en ég ákvað að sleppa því. Að þurfa að bíða hátt í hálfan mánuð eftir svona er náttúrulega bara fáránlegt, þeir hjá RHI sögðu að þetta yrði tilbúið hjá þeim í fyrramálið. En jæja, það verður bara að hafa það. En þegar þetta verður komið á þá þýðir það að PC tölvur munu nánast hverfa úr mínu daglega lífi þar sem ég verð með makkann á sítengingunni, það þýðir svo að maður verður online á bæði msn og skype 24-7, nema náttúrulega þegar maður fer í og úr skólanum. Æi, hversu sorglegur er maður að verða hérna?!

Svo er það þannig að maður er símalaus þessa daganna, allavega í dag og á morgun, gæti hugsanlega teygt sig yfir á hinndaginn. Þannig var að Sigurgeir tókst að týna símanum sínum þegar hann skrapp í bæinn um helgina, gripurinn ákvað bara að segja bless og hoppa upp úr vasanum hjá honum. Svo ætlaði hann að kaupa sér annan síma í dag en hann var ekki til, kemur ekki fyrr en á morgun. Þar sem að hann var að fara norður í dag þá lánaði ég honum símann minn og fæ síðan að hafa nýja símann hans og prufukeyra hann aðeins næstu vikuna. En símalaus í dag og á morgun eins og áður sagði og jafnvel á hinndaginn. Úff, það er svo svakalegt hvað síminn er orðinn stór partur af lífi manns. Mér finnst eins og ég sé hálf fatlaður án hans, samt nota ég hann ekkert svo svakalega mikið, ekki miðað við sumar manneskjur. En maður má nú eiga annsi bágt ef maður kemst ekki af án símans í nokkra daga.
Jæja, búið í bili

Download dauðans

2005-09-29T10:36:00.000Z

Urr, hvað ég er farinn að verða pirraður hérna, er búinn að sitja hérna í Árnagarði yfir downloadi og bíða eftir að það klárist, ég ætla ekki einu sinni að gefa upp fjölda klukkutíma sem ég hef verið hérna. Notaði reyndar tímann fyrst til þess að lesa eitthvað fyrir morgundaginn en þar sem bókin sem ég var að lesa var svo skelfilega leiðinleg þá gafst ég upp á því áður en ég færi að sofna hérna. En skemmtilegt með þetta download þá sagði hún í eitt skiptið að það væri klukkutími eftir en þá hrundi náttúrulega hraðinn og klukkutíminn varð að tveimur, story of my life. Kallið mig bara nörd, mér er alveg sama.

En að öðru, ég veit ekki hvað kom yfir mig í gærkvöldi en ég var kominn upp í rúm uppúr hálf 11 og ég afrekaði það að sofna fyrir miðnætti. Þetta var svona í og með því að kenna að ég þurfti síðan að vakna klukkan 7 í morgun. Fór síðan með gripaflutningabílnum í skólann í morgun eins og ég kýs að kalla strætóinn sem ég tek á fimmtudagsmorgnum. Þegar nemendur úr Breiðholti og Kópavogi sem ætla í Versló, MH, MR og Kvennó hrúgast í einn og sama strætóinn þá er ekki von á góðu.

Ég fór í gær og athugaði með ADSL tengingu þar sem ég frétti fyrir nokkrum dögum að maður gæti fengið eina slíka hjá háskólanum og er búið að setja stefnuna á það að fá slíka tengingu í Breiðholtið. Það þýðir þá það að þó maður sé á hjara veraldar þá verður maður allavega í góðu sambandi við umheiminn.
Jæja, nóg í bili,
adiós

Klukk rugl

2005-09-25T23:13:00.000Z

Jæja, þar kom að því að maður yrði fyrir barðinu á þessu klukkdæmi, þökk sé honum Ævari. Jæja, here goes nothing:

1.Ég á það til að verða alveg óstjórnlega reiður út í dauða hluti, t.d. þegar tölvan gerir ekki eins og ég vill að hún geri eða þá að einhver heimilistækin virka ekki sem skyldi. Tekst hins vegar oftast að halda aftur af mér þannig að ekki hefur hlotist tjón af þessum bræðisköstum en sem komið er.

2.Á það til að draga skólaverkefni fram á síðustu stundu þannig að verkefnavinnan fer fram í stresskasti rétt fyrir skilafrestinn.

3.Þjáist af þeirri áráttu að vera aldrei viss um að hafa gert eitthvað fyrr en ég hef athugað það svona 5 sinnum, þetta kemur oftast fyrir þegar ég fer út úr húsi og athuga mörgum sinnum hvort ég hafi ekki læst á eftir mér. Getur komið sér illa þegar maður er að missa af strætó.

4.Það kemur sumum ykkar kannski ekkert á óvart en ég hef alltaf verið stór miðað við aldur, meira að segja þegar ég fæddist. Upplifði t.d. aldrei þetta tímabil þegar stelpur áttu að vera stærri en strákar samkvæmt meðaltalinu.

5.Mér líður illa þegar ég er í miklum mannfjölda, þetta kemur sérstaklega sterkt fram þegar ég er einn á ferðinni, þ.e.a.s. ekki með neinum sem ég þekki.

Jæja, þá er ég búinn að ljúka þessu af og hef ég ákveðið að klukka eftirfarandi aðila, Önnu Júlíu, Sigrúnu og Stebba G, þeim eflaust til mikillar ánægju.

Nýtt útlit

2005-09-25T19:32:00.000Z

Ég var varla búinn að sleppa orðinu um það að nýja útlitið væri á leiðinni þegar ég hafði samband við Ísak sem sagði mér að það væri mjög lítið eftir af því. Því fórum við bara í það að klára þetta og skelltum því á. Ég verða að segja að ég er mjög ánægður með útkomuna, efa það þó að ég verði jafn aktívur að skipta um útlit eins og Ísak.

Fór í vísindaferð á föstudaginn og var farið í Landsvirkjun. Fengum það sem kallað var léttar veitingar, semsagt bjór og snittur. Svo var haldið niður á uppáhaldsskemmtistað allra, Pravda og vorum við komin þangað um sjö leyti. Ég veit ekki hvað hefur verið að mér en ég var alveg að sofna um tíu leytið og fór bara heim þegar kvöldið var rétt að byrja.
Jæja, gott í bili

Bíllausi dagurinn... my ass

2005-09-22T12:26:00.000Z

Ég held það megi með sanni segja að nú sé sumarið endanlega búið, svona ef það var einhverntíma vafi um slíkt. Vaknaði klukkan 7 í morgun og þegar ég kom út þá var skítakuldi og ég var næstum því floginn á hausinn í hálkunni sem var á gangstéttinni. Held ég hafi aldrei séð jafn troðinn strætó og þann sem ég var í í morgun, minnti mann óneitanlega á bílana sem lömbin eru flutt á þegar farið er með þau á sláturhúsið. Sá þarna einn af þeim kostum sem eru við það að búa í úthverfi, maður fer upp í vagninn svo stuttu eftir að hann leggur af stað að maður er nokkuð öruggur með að ná í sæti. Sá frétt áðan á mbl.is að í dag væri frídagur bílsins, sá ekki að það hefði nokkur áhrif á umferðina, alveg jafnmikil og á venjulegum morgni.

Í dag er 22. september og ástæðan fyrir því að ég minnist á það er sú að í dag hefði pabbi orðið 80 ára en hann fæddist á þessum degi árið 1925. Þar sem hann dó árið 1993 þá man ég frekar lítið eftir honum en ég vil engu að síður nota tækifærið og minnast hans af þessu tilefni.

Nýtt útlit kemur vonandi á allranæstu dögum, það er þó enginn þörf að fara á límingunum þó það verði ekki, ...hóst... María... hóst... en þetta er allt saman í vinnslu.

Búið í bili, Tschues

Brjálaður bónus

2005-09-19T16:30:00.000Z

Komst að því að maður er lengi, lengi, LENGI að gera eitt stykki dvd-disk. Ákvað að prófa að gera einn þar sem það er dvd-skrifari á ibook. Byrjaði klukkan 11 í gærmorgun og var að raða inn fullt af myndböndum og ljósmyndum og bjó til valmyndir fyrir diskinn. Það er skemmst frá því að segja að klukkan 11 í gærkvöldi setti ég svo tóman dvd disk í og ætlaði að skrifa diskinn. Þá fór allt í gang og hélt ég að þetta væri svona klukkutíma ferli eða um það bil en nei, nei. Þegar þetta var búið þá voru svona 10% búin af einhverju sem hét "rendering disc menus" þannig að ég lét tölvuna bara ganga og fór að sofa. Þetta var svo tilbúið þegar ég vaknaði í morgun. Fannst það hinsvegar fúlt að það skuli vera hátt í sólarhrings ferli að gera einn dvd-disk.

Það var verið að opna Bónusverslun í Hólagarði, sem er rétt hjá mér þarna í Breiðholtinu, á laugardaginn síðasta og ákvað ég að kíkja aðeins á pleisið. Það var vægast sagt stappa í búðinni og röð á hverjum kassa sem náði inn í miðja búð þannig að ég flýtti mér þarna í gegn og rauk svo heim. Hins vegar flýtti ég mér svo mikið að ég gáði ekki hver opnunartíminn væri, svo ætlaði ég að fara út í búð í morgun en nei, nei. Var þá ekki bara lokað og þá sá að það opnaði ekki fyrr en klukkan 12. Þetta er smá munur frá því sem var þegar Nóatún var þarna en þeir voru með opið frá 9-21 alla daga. Hins vegar er svoldið annað verðlag þarna heldur en í Nóatúni. Bara svo það sé á hreinu Gummi þá er harði diskurinn hjá mér ekki fullur af klámi, er með tæp 17 gígabæt af tónlist og svo fullt af forritum sem ég fékk frá Ísak og það fer langt með að útskýra hversu fullur diskurinn er orðinn.

jæja, þá er umræðulistinn tæmdur í bili, yfir og út.

Skype

2005-09-16T12:13:00.000Z

Jæja, sit hérna í kjallaranum á Árnagarði og er að vafra um netið á ibook. Er búinn að setja svo mikið af dóti í hana að af þessum 60 gígabætum sem hún hafði í harðadiskpláss þá eru svona 15-16 eftir. Fékk Skype hjá Ísak og var að prófa það áðan, það var svo Gummi frændi sem átti fyrsta samtalið. Þvílík snilld sem þetta forrit er, að geta talað svona við fólk allstaðar í heiminum án þess að borga krónu fyrir. Ef þið viljið bæta mér á listann hjá ykkur þá er notandanafnið mitt gesturpa.
En nóg um það, hef eitthvað voða lítið að segja núna þannig að ég er að hugsa um að fá mér eitthvað að borða.

Loksins, eftir langa mæðu...

2005-09-14T21:13:00.000Z

... hann opnaði kassann og leit ofan í hann. Þarna lá hún þá hvít sem mjöll. Hann tók hana upp og strauk henni. Vakti hana og var hún svo ótrúlega hljóðlát að hann trúði vart sínum eigin eyrum...

Bara að láta ykkur vita það að ég er kominn með tölvuna í hendurnar. Þetta kostaði mikla bið, margar símhringingar og enþá meiri bið þannig að ég ákvað bara að mæta á staðinn í dag og fékk þessa elsku þá loksins í hendur. Er búinn að vera að dæla í hana ýmsu dóti núna í kvöld, held samt að utanáliggjandi harður diskur sé á innkaupalistanum á næstunni. Ég er reyndar ekki að skrifa á hana núna þar sem ég er ekki búinn að tengja hana við netið en það á eftir að breytast. Það er góð tilfinning að segja skilið við windows svona að hluta til, það er helst vegna þess að flestir hafa ekki séð ljósið sem maður verður að nota windows í framtíðinni.

Jæja, gott í bili. Ætla að halda áfram að dæla dóti í þessa elsku.

Tölvuvesen

2005-09-12T12:32:00.000Z

Þá er enn ein vikan hafin og af einhverjum undarlegum ástæðum þá var ég vaknaður klukkan 10 í morgun þó það væri enginn skóli í dag. Maður er að reyna að taka sig á hérna og vakna sæmilega tímanlega. Stundaði það mikið í fyrra að sofa fram að hádegi þar sem ég var sjaldan í skólanum fyrir hádegi en þar sem ég þarf að vakna klukkan 7 á morgnanna, þrjá daga í viku þá reynir maður nú að hafa smá reglu á þessu hina daganna svo maður sofni nú einhverntíma á kvöldin. Ég kom hérna á bókasafnið um hálf tólf leytið og ég verð að segja að ég varð svoldið hissa, safnið er nefnilega fullt, eða því sem næst, fyrir hádegi á mánudegi. Svakalegur metnaður hjá öllu hérna. Ég ætlaði meira að segja að fara að lesa sjálfur þannig það er eitthvað mikið í gangi.

Það er helst að frétta í tölvumálum að ég er ekki kominn með tölvuna í hendur. Var sagt að þetta ætti að ganga í gegn á einum degi en nú er kominn mánudagur og ég fór í búðina á miðvikudaginn. Það kom í ljós að klúðrið var hjá bankanum. Ég þurfti nefnilega að taka fartölvulán en það virtist ætla að verða eitthvað vesen með það sökum þess hversu stutt er síðan ég flutti mig yfir í KB banka. Ég átti að tékka á þessu í dag og þá er bara að vona það besta.
Er að hugsa um að hætta þessu í bili og kveð með von um það að næsta færsla verði skrifuð á nýju ibook tölvuna mína.

D-day +3

2005-09-07T19:07:00.000Z

Þá er maður á þriðja degi hérna í Reykjavík og það er allt að verða vitlaust. Er búinn að punga út hellingspening undanfarið þannig að sumarkaupið er orðið að annsi rýrum sjóði. Það fór 25 þúsund í strætókort (sem gildir reyndar í allan vetur), 20 þúsund í bækur sem ég kalla vel sloppið og svo er ég að kaupa mér ferðatölvu, ibook nánar tiltekið þannig að þetta er fljótt að koma. Strætókerfið er búið að fá hellings prufukeyrslu af minni hálfu og en sem komið er hef ég ekki fundið neina stóra galla á því, finnst reyndar kortin sem eru í leiðabókinni og á sumum stoppistöðvum alveg fáránleg.

Er alveg sæmilega sáttur við stundatöfluna mína, engir tímar á mánudögum og miðvikudögum auk þess sem maður er búinn snemma á föstudögum. En þessa þrjá daga sem maður þarf að mæta þá þarf maðu að mæta upp úr átta en maður hefur bara gott af því, hvetur mann þá bara til þess að halda sólarhringnum réttum. En ég sá annsi merkilega auglýsingu áðan. Hún var aftan á strætisvagni og þar var verið að auglýsa sósur og sultur frá ónefndu fyrirtæki og var sagt að þær væru sykurlausar, fitulausar, kolvetnalausar og kalóríu- og kólestrolsnauðar. Þá er það bara spurningin, hvað er eiginlega í þessum vörum fyrst þær eru lausar við fyrrtalda hluti. Ef ég ætti að giska þá mundi ég halda að þetta væri litað vatn í krukku.

Jæja, held ég segi þetta gott í bili, nóg bullað í bili.

Mættur á svæðið

2005-09-05T00:42:00.000Z

Jæja, maður komst þetta heill heilsu. Sit hérna í gettóinu að pikka nokkur orð fyrir svefnin. Þetta var án alls efa ein lengsta og leiðinlegasta rútuferð sem ég hef farið, hafði ekkert að lesa og hafði því ekkert annað að gera en að glápa út í myrkrið. Afi tók svo á móti mér á BSÍ og bauð mér upp á snarl. Bara að láta vita að ég er mættur á svæðið, meira síðar.

Vinnu lokið þetta sumarið

2005-09-02T23:16:00.000Z

Jæja, þá er maður bara búinn í vinnunni þetta sumarið og það var slegið upp alveg heljarinnar partíi og... nei reyndar ekki, fékk bara afganga frá einhverjum verkalýðsfundi. Maður er að æða til Reykjavíkur á sunnudaginn og þó það sé ekki minn uppáhaldsstaður á landinu þá er ágætt að fá smá tilbreytingu í þetta. Svo er það ekki verra að þegar ég spurði hvort ég gæti ekki fengið vinnu þarna næsta sumar þá var mér svarað með jái þannig að maður er öruggur með vinnu næsta sumar.

Eins og flestir vita þá er allt að fara til fjandans í Bandaríkjunum eftir þetta óveður og þessi flóð og Bush að standa sig eins og hetja eins og venjulega, eða þannig. Talar í stuttum setningum og reynir að líta gáfulega út. Fyrr frýs í helvíti en að honum takist að líta gáfulega út. Eitt í sambandi við þetta sem ég hef verið að velta fyrir mér. Sá síðu á netinu þar sem einhverjir krisntnir ofsatrúarfávitar í Bandaríkjunum héldu því fram að flóðbylgjan í Asíu væri refsing guðs og til þess fallin að losna við trúvillinga og annað slíkt. Gaman væri að sjá hvernir þessir sauðir réttlæta það sem er að gerast núna í Bandaríkjunum þegar sjálft Biblíubeltið verður fyrir öðru eins óveðri.

Var að velta því fyrir mér hversu mikið er orðið af pirrandi, já beinlínis óþolandi auglýsingum í sjónvarpinu undanfarið. Sérstaklega pirrandi eru illa dubbaðar sjampó og þvottaefnisauglýsingar og þar kemur auglýsingin með “of mikið bótox” kellingunni í bleika gallanum sem er að kynna Vanish draslið. Svo eru þessar auglýsingar frá Íslandsbanka með gaurnum sem er að drulla yfir kennarana sína.

Heyrðu já, svo sá ég þennan óskapnað sem Latabæjar þættirnir eru í sjónvarpinu í kvöld. Sjálfsagt er þetta góður boðskapur fyrir börnin en mér sýndist þetta vera lítið annað en Maggi Scheving að hoppa um og Stefán Karl að gretta sig. Síðan er þetta sett á dagskrá á alveg hreint fáránlegum tíma, strax eftir fréttir á föstudagskvöldi og hver þáttur er sýndur þrisvar.

Jæja, ég er að hugsa um að fara í háttin bráðlega, það á víst að smala hér á morgun þannig að maður verður að vera sæmilega upplagður.

Borg óttans á sunnudaginn

2005-09-01T11:30:00.000Z

Jæja, þá er bara kominn 1. september og þar með er runninn upp næstsíðasti dagurinn minn í vinnunni þetta sumarið og loksins loksins skín sólin svo um munar. Ég sit hérna og fylgist með búð þar sem kemur svona sirka einn viðskiptavinur á klukkustund. (fimm mínútum eftir að ég skrifaði þetta þá komu þrír viðskiptavinir, talandi um tilviljun.)Þar sem ég sit og lít út um gluggan þá sé ég hvít fjöll, hvít niður í miðjar hlíðar þannig að maður fær það á tilfinninguna að það sé hávetur en sú blekking gufar upp um leið og maður rís aðeins hærra í sætinu og sér grænan skóginn sem klifrar upp hlíðina. Já svona er ástandið þessa daganna hér á Illugastöðum. Í gær lauk hér einhverri umhverfisráðstefnu ungs fólks og voru hér 50 manns í fæði og húsnæði. Þarna var fólk allsstaðar að, Japan, Alaska, Rússlandi svo nokkur dæmi séu tekin. Magnað með Japanina hvað þeir voru duglegir að hringja heim til sín úr tíkallasímanum hérna, komu í búðina og keyptu eitthvað fyrir svona 100-200 krónur, borguðu með 1000-kalli og vildu svo fá afganginn í hundraðköllum og smærra. Þarna grynkaði allverulega á klinkbirgðum búðarinnar. Flottust var samt japanska stelpan sem keypti sér sprite og ætlaði að borga með 5000-kalli. Svo var það Rússinn sem vissi ekki hvað ætti að gera við tuskurnar þegar búið var að þrífa húsið sem hann var í svo hann ákvað að sturta þeim niður um klósettið. Þetta sannar það að fólki er trúandi til alls.

Svo er það bara brottför suður á sunnudaginn, fer með rútunni suður í boði mömmu sem vinnur einmitt hjá SBA, þægilegt ekki satt.

Jæja, segi þetta gott í bili, hangsið bíður.

Nei, ég vil ekki kaupa af þér geisladisk

2005-08-28T11:38:00.000Z

Þá er enn ein helgin runnin upp og reyndar verður þetta mitt síðasta helgarfrí í sumar þar sem ég mun æða suður um næstu helgi. Þessir síðustu dagar hafa verið ósköp kaldir og blautir. Sem betur fer hef ég fengið að vinna mikið inni undanfarna daga enda ósköp lítið að gera úti þar sem við erum hætt að slá þarna á Illugastöðum. Það má segja að það hafi verið mitt aðalstarf þarna í sumar. Á miðvikudaginn var mér meira að segja falin sú ábyrgð að sjá um búðina þarna aleinn á meðan þau skruppu til Akureyrar. Það komu 5 manns á þremur tímum þannig að ég greip krossgátuna sem fylgir alltaf með lesbók moggans á laugardögum og ég kláraði hana, svo lítið var að gera.

En þá er best að útskýra tilkomu titils þessarar færslu. Á Illugastöðum er það þannig að GSM samband er mjög tæpt í þjónustumiðstöðinni þarna og er ekki neitt nema á nokkrum ákveðnum punktum. Þegar síminn minn fann samband á einum af þessum punktum fyrir svona 10 dögum síðan þá fékk ég sms um það að ég ætti skilaboð í talhólfinu mínu og fór ég að hlusta á þau. Þar sagði kvenmannsrödd eitthvað á þessa leið: „Hæ Gestur, ætlaði nú bara að reyna að selja þér geisladisk. Var bara að vonast til þess að þú værir sætur. Bless“ Semsagt, mjög furðuleg skilaboð og ég kem því bara alls ekki fyrir mig hvaða rödd þetta er, er ekki einu sinni viss um að ég þekki hana.

Loks ber að geta þess að ég skellti mér í heimsókn til Önnu Júlíu um síðustu helgi. Ákvað að drífa í því að fara þangað þar sem sumarið er að verða búið. Það hefði verið leiðinlegt að láta það líða til enda án þess að skella sér þangað. Ég þakka góðar móttökur Anna Júlía.

Jæja, ég er að hugsa um að hætta þessu núna, veit ekki alveg hvort að næsta færsla verður skrifuð norðan heiða eða sunnan. Það kemur allt í ljós.

Parlez-vous français ?

2005-08-19T21:24:00.000Z

Nýkominn heim eftir, að því er virtist, mjög langa og leiðinlega vinnuviku. Það er búið að rigna alla vikuna nema í dag. Þá var svo steikjandi hiti að öðruhverju slettist sviti á gleraugun mín svo vart sá út um. Það má því segja að þessi vika hafi endað jafn vel og hún hafi byrjað illa veðurfarslega séð. Það kom í ljós eftir síðustu færslu mína að ég virðist hafa lifað í þeim misskilningi að hár mitt sé dökkbrúnt, ekki veit ég af hverju sá misskilningur hefur stafað, kannski er maður bara litblindur eða eitthvað. En hárið er allavega mun ljósara núna en það hefur venjulega verið.

Komst að því áðan þegar ég var að keyra heim úr vinnunni að það er annsi mikið til í því að maður eigi ekki að keyra ef maður er í vondu skapi. Ætlaði að koma við á Fosshóli í heimleiðinni og kaupa mér bensín og eitthvað að borða. Þar hefur verið opið til 10 öll kvöld í sumar sem hefur reynst mjög þægilegt en núna voru fjárans beinin búin að breyta opnunartímanum og það í miðjum mánuðinum og ég varð svona nett pirraður og afturdekkið bílstjórameginn fékk í sig duglegt spark. Svo var ég svo fúll á heimleiðinni að ég þandi bílinn eins og vitlaus væri. Ég veit ekki afhverju þetta gerði mig svona reiðan, kannski hefur þar farið saman þreyta og hungur. Ég þakka gott boð Ísak varðandi hönnun útlits á þessa síðu. Vil bara biðja ykkur að hætta að kvarta yfir útlitinu því það verður bara tímabundið, vonir eru allavega bundnar við það.

Svona í lokinn þá ætla ég að segja ykkur frá annsi merkilegu tölvupósti sem ég fékk núna í vikunni. Þar var einn af kennurunum sem á að kenna mér í haust að leggja línunnar fyrir námskeiðið og þar sagði hann að við myndum horfa á einhverja mynd í fyrsta tíma sem tengist efninu sem væri á frönsku og þar að auki ótextuð og því þyrftu menn að dusta rykið af frönskukunnáttunni hjá sér. Þarna brá mér svoldið í brún því að frönskukunnáttan á þessum bænum er... tja... svona nánast í núlli. Kann að segja takk, góðan daginn og bless á frönsku and thats about it. Það verður fróðlegt að sjá hvernig þetta á eftir að þróast. Var jafnvel að hugsa um að senda kennaranum tölvupóst og spyrja hann að því hvort algjör skortur á frönskukunnáttu yrði vandamál fyrir mig í þessu námskeiði.

Jæja, segi þetta gott í bili, er jafnvel vís til þess að skrifa meira um helgina ef ég verð í stuði.

Og hann skýtur og hann skorar... eða eitthvað

2005-08-14T00:14:00.000Z

Jæja, byrja ég að bulla eitthvað aftur. Ætli maður sé ekki að bæta upp fyrir blogletina í sumar. Annars hefur nú lítið gerst síðan síðast enda er það takmarkað sem kemur fyrir mann á einum sólarhring. Fór reyndar út að ganga með hund frænda míns í dag þar sem hann var ekki heima, frændi minn sko en ekki hundurinn, enda væri það til lítils að fara út að ganga með hund sem ekki er heima... hmmm, þarna fór ég aðeins fram úr sjálfum mér. Allavega þá fór ég út að ganga með þennan hund tvisvar í dag og upplifði í fyrsta skipti þann magnaða leik að kasta priki og láta hundin sækja það. Þetta er einhver svona klisja sem maður hefur séð í ótal amerískum bíómyndum þar sem fjölskyldan lifir fullkomnu lífi og krakkinn er út í garði eða eitthvað álíka að láta hundinn sækja prik. Ótrúleg upplifun alveg hreint.

Mér var litið í spegil í morgun og tók eftir svolitlu sem ég hef gefið lítinn gaum það sem af er sumri. Ég er ekki lengur með dökkbrúnt hár heldur lítur það einna helst út fyrir það að ég sé með ljósar strípur sem er svoldið skrítið þar sem ég hef ekki komið nálægt hárgreiðslustofu síðan í byrjun maí auk þess sem mér hefur aldrei nokkurn tíma komið það til hugar að fá mér strípur. Held að þetta stafi af því hversu mikið maður hefur verið að vinna úti í sólinni í sumar en það hefur einnig leitt til þess að maður hefur fengið lit í andlitið en er ekki fölur eins og eyðnisjúklingur á lokastigi eins og maður var eftir alla inniveruna í kísiliðjunni. Svo er maður orðinn svoldið loðinn um hausinn, eins og þið getið rétt ímyndað ykkur, eftir að hafa ekki farið í klippingu í rúma þrjá mánuði. Hluti af mér getur ekki beðið eftir að setjast í stólinn og láta fjarlægja þetta en hins vegar er partur af mér sem segir mér að halda í þetta þannig að maður er í smá klemmu hérna, á lubbinn að fara eða ekki?!

Ákvað að enda þetta á einni spurningu sem mér datt í hug að slá fram eftir að hafa séð þessar “pulsa sig niður” auglýsingar, er það pylsa eða pulsa? Það verður gaman að sjá hversu margir þarna úti halda því fram í örvæntingu sinni að það eigi að segja pulsa.

Taka tvö

2005-08-12T20:26:00.000Z

Þá er enn ein helgin runnin upp og ég ákvað í þetta skiptið að reyna að drullast til þess að skrifa eitthvað meira en nokkrar setningar um ekki neitt. Líf manns er í annsi föstu formi þessa daganna og vikunnar, vinn 45 tíma eða meira á viku og kem heim í helgarfrí sem ýmist fer í ekki neitt eða þá að þeytast eitthvað til að gera einhverja misgáfulega hluti. Fór til dæmis í Skagafjörðinn um verslunarmannahelgina og heimsótti Ísak og familíu. Þar var grillað og spiluðum við okkur til óbóta og sumir (nefni engin nöfn hóst....ísak... hóst) áttu það til að ofnota orðið smooth sem leiddi ýmist til þess að menn ohh-uðu hressilega eða þá að þekkt dægurlag með plastfeisinu Jackson tók að hljóma öðrum til mismikillar ánægju.

En að öðru, ég vona að þetta flakk mitt um netheima taki nú enda þegar ég er kominn hingað á blogspot. Það er orðið nærri því eitt og hálft ár síðan maður byrjaði að halda blog-síðu og byrjaði ég á folk.is þann 1. apríl í fyrra. Ekki entist ég lengi þar enda var sú síða með eindæmum leiðinleg þar sem næstum engu var hægt að breyta varðandi útlit og annað slík og notendahjálp var í núlli. Fór svo á blog.central en gafst upp á því núna um daginn eftir að visir.is keypti það. Áður voru strákar með metnað til þess að gera almennilega blogsíðu sem stóðu að þessu en svo var maður orðinn svoldið þreyttur á því hvað breytingar voru lengi að komast í gegn auk þess sem þessi visir.is borði er óendanlega pirrandi. Svo var það dropinn sem fyllti mælinn þegar þeir tóku að rukka fyrir alla aukahluti.

Svo er blessað sumarið farið að styttast annsi mikið í annan endann svo að farið er að styttast í það að skólinn fari að byrja og brottför í borg óttans verður brátt óumflýjanleg. Það verður spennandi að sjá hvort að nýja strætókerfið sé jafn ömurlegt og maður hefur verið að heyra í fjölmiðlum undanfarna daga og vikur. Breytir litlu fyrir mig, þarf bara að labba svona 100-200 metrum lengra og hef bara gott af því, eða ég vona það, þannig að ég kvarta ekki fyrr en á reynir.

Jæja, er að hugsa um að segja þetta gott í bili, er að hugsa um að fá mér einhvern matarbita.

P.s. Ætla mér að breyta útlitinu á þessari síðu þegar suður er komið þannig að þetta “gamla veggfóðurs” útlit dettur úr fyrir rest þannig að þú þarft engar áhyggjur að hafa María.

Fluttur en einu sinni

2005-08-06T04:57:00.000Z

Jæja, ákvað að fara að dæmi Ísaks og flytja mig hingað á blogspot. Langaði til að geta stjórnað útlitinu á þessu meira sjálfur líkt og Ísak, auk þess eru helv... beinin farin að rukka fyrir aukahluti og svona á blog.central. Vissi að þessu liði væri ekki treystandi. Þessi færsla er bara svona til að starta þessu en ég skrifa kannski eitthvað meira á næstu dögum.

Langt síðan síðast

2005-07-17T22:41:00.000Z

Jæja, það er nú orðið svoldið síðan maður bloggaði síðast og er of margt búið að gerast síðan það var til þess að ég nenni að fara út í það í smáatriðum. Hér eru svona helstu atriðin:

*
Skellti mér á ættarmót fyrstu helgina í júli, reyndar ekki langt að fara, bara hérna rétt fram í sveit. Mikið gaman, mikið fjör og allt það sem fylgir svona samkomu.
*
Skellti mér á Langanesið um síðustu helgi með Sigurgeir á jeppaskrímslinu hans. Fórum út að Skálum en slepptum því að fara út í Font sökum þess hversu slæmur vegurinn þangað var. Skelli jafnvel inn myndum þaðan og frá ættarmótinu ef ég verð í góðu skapi og internetsambandi.
*
Fór svo í Skagafjörðinn nú um helgina og var bara að koma þaðan í dag. Það var svosem ekkert um að vera þannig að maður hafði það bara rólegt.

En að öðru, sá og heyrði í vikunni í ritstjóra DV tala í Kastljósinu og þar viðurkenndi hann að það væri í lagi að setja fram efni sem gæti valdið fólki óþægindum og uppnámi svo lengi sem það þjónaði sögunni. Þegar ég heyrði þetta fór ég að hugsa hvernig í ósköpunum fullorðinn maður sem er í svona starfi hefur jafn lélegt, mér liggur við að segja skítlegt siðferðismat. Mér fannst nú Eiríkur Jónsson slæmur um daginn þegar hann var að verja störf Hér og Nú en þetta fór alveg yfir strikið. Þannig að gott fólk, oft var þörf en nú er nauðsyn, hættum að kaupa DV og Hér og Nú svo þessir plebbar hætti þessu skítkasti sem þeir stunda. Niður með DV og Hér og Nú og notum pappírinn í eitthvað gagnlegra, eins og t.d. framleiðslu klósettpappírs. Þá er ég búinn að hella nóg úr skálum reiði minnar í þetta skiptið og er að hugsa um að segja þetta gott. Vonandi að það líði ekki jafn langur tími þar til næst.

Yfir og út.

Pertí, pertí, pertí

2005-06-26T21:45:00.000Z

Heyrðu, það var bara brjálað partí heima hjá Dóru í gærkvöldi og einhvernveginn þá gleymdi ég að minnast á það í síðustu færslu. Það var gaman að hitta alla vitleysingjana aftur og rugla eitthvað með þeim. Það var alveg ágætis mæting og mikið djammað og djúsað. Allavega þá tók ég einhvern slatta af myndum þarna og geta þeir sem vilja skoðað þær á myndasíðunni minni sem er í tenglalistanum hérna til hliðar.

Meira var það ekki í bili, vona að menn njóti vikunnar sem framundan er,

Yfir og út.

Grasasnar

2005-06-24T22:37:00.000Z

Úff, hvað tíminn líður hratt núna, bara kominn 24. júní og daginn tekinn að stytta aftur. Sit hérna á föstudagskvöldi þreyttur eftir langan vinnudag, einir 10 tímar í dag. Er búinn að vera skröltandi á sláttutraktor núna undanfarna þrjá daga að slá gras. Og talandi um gras, þvílíkir grasasnar sem sumt fólk getur verið. Þetta segi ég af því að umsjónarmaðurinn þarna á Illugastöðum bað fólk sem kom síðasta föstudag vinsamlegast um að keyra ekki á grasinu þar sem það væru komin hjólför í þetta. Svo tók hann eftir einum bíl sem stóð úti á grasinu við eitt húsið og hann fór að tala við þann sem átti bílinn og hann sagðist hafa gert þetta af því að allir hinir gerðu það sem er bara lélegasta afsökun sem til er. Því var gripið til þess ráðs að planta trjám til að loka þeim leiðum sem fólk notaði til að keyra inn á grasið. Svo var það þannig að það var bannað að keyra að húsunum nema rétt þegar fólk kemur og fer. Þannig að leiðin að húsunum er lokað með keðju og hengilás og fólk verður að leggja við bílaplan sem er rétt hjá húsunum.

Einn greip til þess ráðs að keyra bara upp á og svona 1 og ½ meters háann kant sem var við bílastæðið og fór þannig framhjá hliðinu. Þetta átti einnig sinn þátt í því að þessum blessuðu trjám var plantað. En fólk er fífl eins og einhver sagði því einn daginn kom þarna gaur á stórum jeppa og keyrði bara upp á kantinn og yfir trén takk fyrir. Þegar hann var spurður hvers vegna hann gerði þetta þá sagðist hann hafa séð slóð þarna upp sem var eftir fyrrnefnda manneskju sem keyrði upp á kantinn, semsagt annar asni með aðra lélega afsökun. Svo er það þannig að þegar búið er að koma þessu inn í hausinn á fólki þá fer það og annar hópur kemur í staðinn þannig að kennslan byrjar upp á nýtt.

En að öðrum hlutum, ég var að fá í hendur nýjustu Coldplay plötuna og verð ég að segja að sú hljómsveit verður bara betri og betri sem á líður. Gömlu plöturnar þeirra náttúrulega alveg frábærar og þess alls ekki síðri. Enda er það kannski ekki furða að þessi hljómsveit er ein af mínum uppáhaldshljómsveitum og mæli ég hiklaus með þessari plötum fyrir þá sem hafa gaman að tónlist eins og Coldplay spilar. Jæja, segi þetta gott í bili, skrifa kannski eitthvað meira þessa helgina ef ég lendi í einhverju sem er þess vert að geta þess hér. Yfir og út.

Hey hó og jíbbí jey, það er kominn og farinn 17. júní

2005-06-19T23:59:00.000Z

Maður fékk þriggja daga helgi í þetta skiptið sökum þess að 17. júní var á föstudaginn. Þá var skundað á Akureyri til að kíkja á stemminguna en veðrið hefði alveg mátt vera aðeins betra. Svo var útskriftarveisla heima hjá Andreu í gærkvöldi þar sem hún var að útskrifast úr MA þann 17. og ég sjálfur víst orðinn tveggja ára stúdent, ja hvað tíminn líður. En ég afrekaði það í gær að fara í bakinu. Ég var að slá garðinn og beygði mig til að losa pokann á vélinni og þá kom þessi líka rosa stingur í bakið á mér og ég hef verið að drepast í bakinu síðan þetta gerðist. Gat varla sofnað í nótt út af þessu helvíti. Vonandi er þetta ekki byrjunin á einhverju verra, vill helst losna við það að lenda í einhverju krónísku bakveseni núna og helst bara fyrir lífstíð. En svo er það bara vinnan í fyrramálið og því fylgir að maður er varla að nenna að hafa sig af stað eins og vill oft verða þegar svona frí eru lengri en venjulega.

Segi þetta gott í bili, svoldið stutt í þetta skiptið en það verður að hafa það

yfir og út.

I'm afraid I'm not personally qualified to confuse cats, but I can recommend an extremely good service.

2005-06-11T14:33:00.000Z

Jæja, þá er en ein vikan að klárast og mér líst ekkert á það hversu hratt tíminn líður. 17. júní næsta föstudag og því að verða kominn mánuður síðan ég byrjaði að vinna. Talandi um vinnuna, ég er búinn að vinna 51 klst í þessari viku og þar af 12 tíma í gær. Við vorum að hætta klukkan 10 í gærkvöldi og sökum þess hve þurrt var í veðri þá var maður orðinn löðrandi í mold og ryki. Það var því þreyttur og haugdrullugur maður sem kom hingað heim klukkan að verða 11 í gærkvöldi. Þegar ég stóð í sturtunni og horfði á vatnið sem rann af mér þá var það ekki fögur sjón, drullubrúnt vatn er það sjaldnast. Ákvað svo að skipta á rúminu mínu en það er eitt það þægilegasta sem ég veit um, að vera nýkominn úr sturtu og sofna í rúmi með hreinum rúmfötum. Enda svaf ég eins og steinn í nótt.

Það var kominn þónokkur hópur af liði í eitt húsið á Illugastöðum sem var greinilega kominn þangað til að skemmta sér. Ætli meðalaldurinn þar hafi ekki verið eitthvað í kringum 20 ár og var liðið búið að stúta einum bjórkassa klukkan 9 í gærkvöldi og annar var á leiðinni í hús. Get giskað á það hvert framhaldið var. Var bara feginn að það var ekki pottur í húsinu, hefði örugglega ekki verið gaman að þrífa hann. En annars er voða lítið að frétta hjá manni, maður vinnur alla vikuna og kemur svo heim um helgar til þess að sofa eða þar um bil. Þess vegna ætla ég bara að enda þetta núna.
Yfir og út

...and now for something completly different

2005-06-05T00:03:00.000Z

Loksins, loksins komu niðurstöður úr prófunum núna í vikunni og mér til mikillar ánægju náði ég öllu þannig að ég slapp í gegnum þennan vetur falllaust. En svona að gamni þá voru niðurstöðurnar eftirfarandi:

Íslands – og Norðurlandasaga IV => 6 Ekki alveg nógu sáttur með þessa einkunn þar sem mér fannst ég ekkert vera að standa mig illa á prófinu en hey, ég náði þó.0

Aðferðir II => 7,5 Aldrei hefur nokkur einkunn vakið hjá mér jafnmikla furðu. Ég man þegar ég lág upp í rúmi að reyna að lesa eitthvað fyrir þetta próf og þjáðist af bullandi prófstressi og hélt ég væri drullufallinn í þessum andsk… Þannig að það var ekkert nema gleði þegar þessi einkun lág fyrir.0

Þorskastríðin => 8 Var aldrei í vafa um það að ég mundi ná þessu, þetta fag byggðist upp af tveimur ritgerðum, annarri 30% og hinni 40% og svo var 30% próf þannig að þetta var ekkert mál. Svo má geta þess að minni ritgerðin sem ég gerðí í þessu fagi mun ásamt ritgerðum hinna sem sátu þetta námskeið mynda fræðsluefni um sögu landhelgisbaráttu Íslendinga á heimasíðu Landhelgisgæslunnar. Hversu frábært er það? 0

Annars er nú voðalítið að frétta nema það að mér tókst næstum því að sálga eins og einni þrastarfjölskyldu í vikunni. Var að klippa runna með stórum bensín-hekkklippum og var ekki langt frá því að tæta eins og eitt stykki þrastarhreiður sem var í þessum runnum. Síðan komst ég að því í dag að litlu systur hennar Írisar er svoldið laus höndinn, skrapp þangað í heimsókn í dag og hún gerði lítið annað en að slá mig og henda í mig dóti. Þess má geta að hún er ekki nema tveggja ára eða þar um bil þannig að vonandi mun þetta eldast af henni.0

Jæja, ekki meira í bili

Yfir og út