Hausverkur

Nú situr maður hérna á bókasafninu að dunda sér við það að gera lítinn og "skemmtilegan" fyrirlestur sem ég þarf að flytja á miðvikudaginn, gaman gaman. Lenti einmitt í því áðan að þegar ég var að byrja á þessu þá fékk ég þennan rosalega hausverk sem vill bara alls ekki fara, þannig að maður á mjög erfitt með að einbeita sér að þessu. En nóg um það.

Ég keypti mér ansi góða bók í síðustu viku, hún heitir html for dummies og eins og sjá má á titlinum eru í henni leiðbeiningar um það hvernig á að gera heimasíðu. Ísak keypti sér þessa sömu bók um daginn og bjó til vefsíðu þannig að ég ákvað að prófa það líka, fer í þetta í jólafríinu þar sem ég hef voða lítinn tíma aflögu þessa daganna. Já talandi um það, það er ekki nóg með að ég sé að gera fyrirlestur núna heldur þarf á ég eftir að gera eitt stykki ritgerð og síðan annan stóran fyrirlestur. úff þetta tekur á. En ég tók mér hlé frá lærdóminum og bauð Maríu í heimsókn í gærkvöldi og bauð upp á súkkulaðiköku. Henni tókst að villast aðeins, endaði inní fellunum en ég verð að viðurkenna að ég átti nú einhverja sök á því. en það reddaðist allt saman en okkur tókst ekki að borða nema hálfa kökuna.

jæja, það er best að fara að snúa sér að lærdóminum...