Kominn í sumarfrí

Hey hó og jíbbí jei, það er kominn 17. júní, hmm... kannski ekki alveg en ég er allavega kominn í sumarfrí, var að koma úr síðasta prófinu núna rétt áðan og er orðinn alveg handlama eftir að hafa skrifað þessi ósköp. Annars er það helst að ég byrja að vinna á þriðjudaginn kemur, held ég fari bara norður á sunnudaginn.
Eins og flestir vita þá er verið að sýna seinustu friends-þættina á stöð 2, ég kíkti að gamni á imdb.com og kíkti þar á friends, fór og skoðaði að gamni hvað leikararnir hefðu verið að gera á ferli sínum og rakst á svoldið merkilegt hjá Matt LeBlanc (sem leikur Joey). Þar sá ég að það á af fara að framleiða þætti sem heita Joey og fjalla einfaldlega um Joey úr friends en hann flytur til Los Angeles. Ég verð að segja að ég stórefa það að þetta verði eitthvað gott, en hvað haldið þið, endilega tjáið ykkur.

Fyrir þá sem vilja kynna sér málið: Joey.