Úff úff úff

Nú er það svo að ég er búinn að fá nett taugaáfall tvisvar sinnum í dag og verð ég bara að segja að allt er þegar þrennt er þannig að ég verð að vera var um mig það sem eftir er dagsins.

Í fyrra skiptið þá var ég á klósettinu sem er hjá bóksölu stúdenta, ég þvoði mér um hendurnar og ætlaði svo að ná mér í pappír til þess að þurrka mér um hendurnar. Þá sé ég að það eru ekki lengur box á veggnum þar sem maður dregur pappírinn út heldur glær kassi með pappírsrúllu innan í. Ég seilist eftir pappír og allt í heyrist einhver hávaði og úr þessum kassa kom pappír, mér brá svo mikið við þetta að ég stökk yfir hálft herbergið, mikið var ég feginn að það var enginn þarna þegar þetta gerðist.

Í seinna skiptið var ég svo staddur niðri í miðbæ, þurfti aðeins að fara í bankann. þegar ég er svo á leiðinni til baka hringir síminn hjá mér og það stendur palli kolka á skjánum. Ég svara símanum og palli segir: gestur, hvað ert þú að gera í miðbænum? og mér leið eins og gaurnum í phonebooth hlýtur að hafa liðið og fór að horfa í allar áttir eins og asni. Síðan kom í ljós að palli og eiki voru inni á kaffihúsi í austurstræti og sáu mig þegar ég gekk framhjá. Ég varð síðan samferða þeim áleiðis á bókasafnið og á leiðinni er ég svo óheppinn að ganga á trjágrein fyrir framan ráðhúsið. Ég geri heiðarlega tilraun til þess að brjóta hana af en án árangurs. Þegar við erum svo að labba í burtu kemur einhver karlasni og fer að tuða útaf því að ég var að reyna að brjóta greinina af, hann rífst við okkur í smástund en við nennum þessu ekki og löbbuðum bara í burtu.

En það er best að reyna að klára þennan blessaða fyrirlestur, þetta er alveg að hafast.