Í skólanum, í skólanum er skemmtilegt að vera..... eða hvað?

Sit hérna á bókasafninu og var búinn með allt það sem ég þurfti að gera og ákvað því að hripa niður nokkur orð. Þegar ég skrifaði síðustu færslu þá var ég staddur á bókasafninu en þegar ég yfirgaf safnið þá ákvað ég að kíkja í heimsókn til Ísaks. Við rifjuðum upp gamla góða tíma úr MA með því að spila Soldiers of fortune-multiplayer. Síðan leit Elvar við og var haldið áfram að spila í nokkra stund. Þá ákváðum við að fara og fá okkur eitthvað að borða og enduðum við á American style og fengum okkur hamborgara.
þegar við komum svo aftur á garðana er hringt í Elvar og okkur boðið í heimsókn til Katrínar Kolka. Ísak ákveður að yfirgefa okkur en við Elvar kíkjum við. Þar voru þá auk Katrínar, Palli og Eiki. Við sitjum þarna fram eftir kvöldi og spjöllum og drekkum bjór og fleiri bættust í hópinn eftir því sem á leið kvöldið. Einhvern tíma þegar klukkan var svo langt gengin í 1 var ákveðið að ganga niður í bæ og var farið á pöbbarölt. Enduðum við kvöldið á því að fá okkur subway og síðan var haldið heim á leið, gengu allir heim á garða nema ég sem þurfti að eyða 1900 kr í taxa útaf því að ég bý einhversstaðar lengst uppi á heiði. Ég var að reyna að ná í taxa um klukkan 4 um nóttina og var jafn erfitt að ná í einn sem var á lausu og að finna manneskju sem var edrú í miðbænum. Síðan fór ég að sofa um klukkan 5 um morguninn. Vaknaði síðan daginn eftir og var að drepast í hálsinum, ég var semsagt kominn með hálsbólgu eftir bæjarröltið og eyddi ég sunnudeginum veikur fyrir framan sjónvarpið, er enþá aðeins rámur.
Það kom í ljós núna áðan að batteríið í ferðatölvunni er alveg ónýtt og kostar slíkur gripur hvorki meira né minna en 30.000 kr. hér á landi 0
Annars er maður bara búinn að vera í skólanum þessa vikunna og glugga í námsbækurnar, síðan er búið að rigna næstum því alla daga síðan ég kom hingað, það hafa komið tveir sólsskinsdagar. Maður verður sérstaklega fúll útaf þessu þegar maður heyrir um sólina fyrir norðan.
jæja læt þetta gott heita í bili, farinn.