Svo fór hann bara og skildi mig eftir í rigningunni og þá kom þessi hundur og beit mig!!!

Sit hérna rosalega þreyttur og er við það að sofna ofan í lyklaborðið þannig að ég veit ekki hversu mikið vit verður í eftirfarandi færslu. Skellti mér í bíó áðan ásamt Ævari og Hauk ásamt einhverjum öðrum dúdda sem ég man ekki hvað heitir í augnablikinu. Fórum á myndina Constantine og fórum við það seint inn í salinn að við lentum á þriðja fremsta bekk og sit ég hér með stífan háls og fínerí, sem dæmi um það hversu nálægt maður sat þá þurfti maður sífellt að vera að renna augunum fram og til baka yfir tjaldið því stórir hlutar þess voru utan sjónsviðs míns, allavega utan þess sem ég sé skýrt svo ekki sé minnst á það sem stóð út fyrir gleraugun mín. Eftir að hafa látið þessa blessuðu mynd bregða manni nokkrum sinnum þá röltum við út í myrkrið og var þessi skemmtilega og rosalega krípí þoka skollin á, mjög gaman eftir að hafa komið af mynd eins og constantín var en hún var svona allt í lagi þó að Keeanu Reeves sé enginn óskarsleikari.

Skellti mér á rúntinn í gærkvöldi (föstudagskvöld) þar sem Sigurgeir fór að skralla eitthvað. Pikkaði Ævar upp og við fórum að rúnta um bæin, fórum meðal annars á Dominos og Ævar var svo sniðugur að panta sér pizzu með gráðosti sem var ekkert voðalega sniðugt val, þannig að sú pizza var ekki kláruð. Svo datt okkur í hug svona algjörlega upp úr þurru að skella okkur í Hafnarfjörð og ákváðum við að villast aðeins þar, vorum mjög nálægt því að beygja inn á Krísuvíkurveg og enduðum svo inn á einhverri einstefnugötu sem leiddi okkur loks inn á rétta braut.

Æii ég nenni þessu ekki, sit hérna og blaðra um ekki neitt og á í erfiðleikum með að pikka þennan texta þannnig að það er bara beddinn, góða nótt