Svo maður dru***st til að skrifa eitthvað

Jæja, ætli maður reyni ekki að hripa niður nokkur orð hérna þar sem sumir eru farnir að reka á eftir manni. Allavega þá hef ég góða ástæðu fyrir því að hafa ekki bloggað svona lengi, á þessu tímabili hef ég gert tvær ritgerðir, síðasta kennsluvikan hefur runnið sitt skeið og svo eru prófin á næsta leiti. En talandi um síðustu kennsluviku, þá lenti ég í því í síðasta tímanum núna síðasta föstudag að mér var boðið í partí. Kennarinn í námskeiðinu ákvað semsagt að bjóða öllum sem sátu námskeiðið heim til sín núna í vikunni. Auðvitað var vel tekið í þetta og það væri nú gaman ef að fleiri kennarar gerðu slíkt hið sama. Hinsvegar gæti það orðið svoldið strembið með sum námskeið, t.d. sat ég námskeið í haust þar sem voru vel á annað hundrað manns skráðir og get ég ímyndað mér að kennarar vilji ekki fá allan þann fjölda heim til sín auk þess sem það gæti orðið svoldið dýr pakki.

En annars hefur maður voða fátt að segja núna, lífið snýst nánast bara um skólann þessa dagana þannig að ég læt þetta duga í bili

Yfir og út.

P.s. Anna Júlía, ef þér finnst ég vera latasti bloggari ever útaf því að ég hef ekki bloggað í 10 daga þá veit maður ekki hvað maður á að halda. Maður hefur séð síður sem hafa verið dauðar vikum saman þannig að þetta er ekkert merkilegt.